ق ر پرەزيدەنتىنىڭ جولداۋى الەمدىك ەكونوميكا «تۇرالاپ» قالعان شاقتا دەر كەزىندە ايتىلدى - ساراپشى ب. سۇلتانوۆ

ول بۇگىنگى تاڭدا الەمدە قالىپتاسىپ وتىرعان جاعدايعا نەگىزدەلگەن.

بۇل تۋرالى بريۋسسەلدە قازاقستاندىق جۋرناليستەرگە بەرگەن سۇحباتىندا ورتالىق ازيا ساراپشىلار قاۋىمداستىعىنىڭ ءتوراعاسى بولات سۇلتانوۆ ايتتى.

ونىڭ سوزىنە قاراعاندا، ق ر پرەزيدەنتىنىڭ جولداۋى وتە دەر كەزىندە جاريالاندى. سەبەبى، الەمدەگى جاعداي شاپشاڭ وزگەرىپ وتىر. وسىعان بايلانىستى 2050 - جىلعا دەيىنگى قازاقستاننىڭ دامۋ ستراتەگياسىن جۇزەگە اسىرۋدا تاكتيكالىق شەشىمدەردى وزگەرتۋ قاجەت.

«قازاقستان جاھاندىق الەمدىك ەكونوميكا جۇيەسىنە قوسىلعان. ەگەر الەمدىك ەكونوميكا «تۇرالاپ قالسا» ، قازاقستاننىڭ نەگىزگى ەكسپورتتىق تاۋارلارى - مۇناي، گاز جانە جەراستىندا سيرەك كەزدەسەتىن مەتالدارعا دەگەن سۇرانىس تا تومەندەيدى. سول سەبەپتى قازاقستان ۇكىمەتىنە دەر كەزىندە قازاقستاننىڭ ءال-اۋقاتى مەن الەۋمەتتىك دامۋىن قامتاماسىز ەتۋ مىندەتى قويىلدى. قر ۇكىمەتىنىڭ باستى مىندەتى - الەمدىك ەكونوميكالىق جانە قارجىلاي نارىقتا بولىپ جاتقان جاھاندىق ماسەلەلەرگە سايكەس ەلدىڭ الەۋمەتتىك-ەكونوميكالىق دامۋىنا باسا كوڭىل ءبولۋ بولماق»، - دەدى ب. سۇلتانوۆ.

ورتالىق ازيا ساراپشىلارى قاۋىمداستىعى باسشىسىنىڭ سوزىنە قاراعاندا، قازاقستان جاھاندىق جانە ايماقتىق قاۋىپسىزدىكتى نىعايتۋعا ءوز ۇلەسىن قوسۋدا. ءبىزدىڭ ەلىمىز ايماقتاعى نەگىزگى مەملەكەتتەردىڭ ءبىرى بولىپ، ەۋرازيالىق ەكونوميكالىق جوبالاردى قۇرۋدىڭ باستاماشىسى بولىپ كەلەدى.

سونىمەن بىرگە جاھاندىق ەكونوميكالىق جۇيەنى تۇراقتاندىرۋعا ءوز ۇلەسىن قوسۋدا. سوندىقتان دا بارلىق ايماقتىق جانە ەكونوميكالىق الاڭداردا قازاقستاندىق باسشىلىق ۇسىنعان باعالار مەن بولجامدارعا قۇلاق اسادى.

«وسىعان بايلانىستى جولداۋ قازىر الەمدە قالىپتاسىپ وتىرعان جاعدايعا باعدارلانعان جانە قاجەتتى ماڭىزدى قۇجات بولىپ تابىلادى»، - دەدى ورتالىق ازيا ساراپشىلار قاۋىمداستىعىنىڭ ءتوراعاسى ب. سۇلتانوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى