ءا چ: بۇگىن جارىس جولىندا - اۋىر اتلەت كارينا گوريچيەۆا

قازاقستاندىق سپورتشى تۇسكى ساعات 16:00 دە 63 كەلىگە دەيىنگى سالماق ساناتىندا «ا» توبىندا كۇش سىنايدى.

تاڭەرتەڭگى 11:00 دە 69 كەلىگە دەيىنگى سالماق كاتەگورياسى بويىنشا «س» توبىنىڭ، 13:00-دە «ب» توبىنىڭ زىلتەمىرشى قىزدارى ۇزدىكتەردى انىقتايدى.

94 كەلى سالماق ساناتى بويىنشا «د» توبىندا ەرلەر اراسىنداعى ءدۇبىرلى دودا تاڭەرتەڭگى 9:00 دە، «س» توبىندا كەشكى 21:00-دە باستالادى.

كەشكى 19:00 دە 85 كەلى سالماق ساناتى بويىنشا «ا» توبىنىڭ سپورتشىلارى جۇلدەلى ورىنعا تالاساتىن بولادى.

قازاقستاندىق سپورتشىلار الەمنىڭ مىقتىلارى باس قوسىپ جاتقان بايراقتى باسەكەدە جوعارى ناتيجە كورسەتىپ كەلەدى.

كەشە قازاقستاندىق سپورتشى گۇلناز ناۋرىزوۆا 63 كەلىگە دەيىنگى سالماق ساناتىندا «س» توبىندا ەكىنشى ورىنعا تۇراقتادى.

قوسسايىستىڭ ناتيجەسىندە قازاقستاندىق سپورتشى 196 ۇپايدى يەلەندى (91+105). ال 77 كەلىگە دەيىن سالماق ساناتى بويىنشا ونەر كورسەتكەن اۋىر اتلەت كيريلل پاۆلوۆ قوسسايىستا 352 ۇپاي جيناپ، ءوز توبىندا ءتورتىنشى ورىندى مىسە تۇتتى.

بۇعان دەيىن وليمپيادا چەمپيونى ءزۇلفيا چينشانلو الەم چەمپيونى اتالىپ، ءوزىنىڭ سەرپە كوتەرۋدەگى رەكوردىن جاڭارتقان بولاتىن. ال ەرلەر اراسىندا ونەر كورسەتكەن 18 جاسار البەرت ليندەر 10- ورىنعا تۇراقتادى.

سايىستىڭ العاشقى كۇنى جارىس جولىنا شىققان ارلي چونتەي التىنشى ورىنمەن عانا قاناعاتتانسا، قىزدار اراسىنان مارگاريتا ەليسەيەۆا العاشقى اينالىمنان اسا المادى.

ەسكە سالا كەتەيىك، بايراقتى باسەكەدە 72 ەلدەن 538 سپورتشى باقتارىن سىناۋدا. ونىڭ 315 ى ەرلەر بولسا، 223 ى ايەلدەر. ايەلدەر جەتى سالماق دارەجەسى بويىنشا (48, 53, 58, 63, 69, 75, +75 كەلى) سىنعا تۇسسە، ەرلەر سەگىز سالماقتا (56, 62, 69, 77, 85, 94, 105, +105) جەڭىمپازدار مەن جۇلدەگەرلەردى انىقتايتىن بولادى. قازاقستان قۇراماسى بۇل دوداعا تولىق قۇرامدا قاتىسىپ وتىر.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى