ەلىمىزگە وڭتۇستىكتەن سولتۇستىككە كوشۋدى ىنتالاندىرۋ تەتىكتەرى قاجەت - ت. دۇيسەنوۆا

بۇگىن ماجىلىستە كوشى-قون ۇدەرىستەرىنە ارنالعان دوڭگەلەك ۇستەل بارىسىندا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا وسىلاي مالىمدەدى.

ءمينيستردىڭ سوزىنە قاراعاندا، الەمدىك تاجىريبەدە ەكونوميكالىق ءوسىم حالىقتىڭ شوعىرلانۋى جوعارى اۋدانداردا ورىن الادى. سونىمەن قاتار، دارىندى جاستار ۇمتىلاتىن، عىلىم مەن يننوۆاتسيا قالىپتاساتىن جەرلەرگە ينۆەستيسيالار اعىنى دا كوبىرەك تارتىلادى.

بۇل رەتتە مينيستر ت. دۇيسەنوۆا قازاقستانداعى جاعدايعا توقتالا كەلە، حالىقتىڭ شوعىرلانۋى جوعارى وڭتۇستىك وڭىرلەردە ونىمدىلىك ەڭ تومەن دەڭگەيدە ەكەنىن، كەرىسىنشە حالىق تىعىزدىعى تومەن باتىس وڭىرىندە ونىمدىلىك جوعارى بولىپ وتىرعانىن العا تارتتى. مالىمەتتەرگە قاراعاندا، ەلىمىزدىڭ نەگىزىنەن سولتۇستىك وڭىرلەر كوبىنەسە الەمدىك تەندەنتسياعا سايكەس بولىپ وتىر.

«الەمدىك تاجىريبەلەرگە كەلسەك، ىشكى كوشى-قوننىڭ باستى ترەندتەرى ساياسي، ەكونوميكالىق، يندۋستريالىق نەگىزدەردەن تۋىندايدى. قازاقستاندا ىشكى كوشى قون ساياساتىن ەكى باعىتتا جەتىلدىرۋدى ۇسىنامىز، بۇلار: وڭتۇستىكتەن - سولتۇستىككە جانە اۋىلدان - قالاعا. بۇل رەتتە اۋىلدان قالاعا قاراي كوشى-قون ۇدەرىسى ەلىمىزدە مەيلىنشە تابيعي قالىپتا ءوربىپ وتىر، ياعني بۇعان ەشقانداي دا ىنتالاندىرۋدىڭ قاجەتى كەرەك ەمەس.

ال وڭتۇستىكتەن - سولتۇستىككە كوشى-قون ۇدەرىسىن ارتتىرۋ ءۇشىن ىنتالاندىرۋ تەتىكتەرى، جۇرتشىلىقتى كوشىرۋ ءۇشىن جاعدايلار جاسالۋى كەرەك. بۇنىڭ ءبارى ەرىكتى تۇردە جۇزەگە اسۋى شارت»، - دەدى تامارا دۇيسەنوۆا.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى