تالعات بيگەلدينوۆ باۋىرجان مومىش ۇلىنىڭ جانىنا جەرلەندى
مارقۇمنىڭ دەنەسى ەكىنشى دۇنيەجۇزىلىك سوعىس قاھارمانى، ايگىلى اسكەري قولباسشى باۋىرجان مومىش ۇلىنىڭ قابىرىنىڭ جانىنا قويىلدى.
جەرلەۋ اسكەري راسىممەن وتكىزىلدى.
تالعات بيگەلدينوۆ قاراشانىڭ 10 ى كۇنى الماتىدا 93 جاسىنا قاراعان شاعىندا دۇنيەدەن وزعان. مارقۇممەن قوشتاسۋ بۇگىن قالاداعى 28-پانفيلوۆشىلار پاركىندەگى ارميا ۇيىندە وتكىزىلگەن. قوشتاسۋعا قورعانىس ءمينيسترىنىڭ ورىنباسارى تالعات مۇحتاروۆ، الماتى قالاسىنىڭ اكىمى احمەتجان ەسىموۆ جانە اقتوبەدەگى تالعات بيگەلدينوۆ اتىنداعى اۋە قورعانىسى كۇشتەرى اسكەري ينستيتۋتىنىڭ وكىلدەرى قاتىسقان.
تالعات بيگەلدينوۆ ەكىنشى دۇنيەجۇزىلىك سوعىسقا 1943 - جىلى ورىنبورداعى اسكەري اۆياتسيا ۋچيليشەسىن بىتىرگەننەن كەيىن اتتانعان. ول سوعىس كەزىندە اسكەري ۇشاقپەن 305 رەت اۋەگە كوتەرىلىپ، مايداندا ەرلىگىمەن كوزگە تۇسكەن.
