ازيا بوكسىنىڭ تىزگىنىن سەرىك قوناقبايەۆ ۇستاۋى مۇمكىن

«الاش ايناسى» ينتەرنەت-پورتالىنىڭ مالىمەتى بويىنشا، وسى باس قوسۋ بارىسىندا 2007-جىلدان بەرى ازيا بوكسىنىڭ تىزگىنىن ۇستاپ كەلگەن وزبەكستاندىق گافۋر راحيموۆ قىزمەتىنەن كەتىپ، ونىڭ ورنىن سەرىك قوناقبايەۆ باسۋى مۇمكىن.

- ءيا، سەرىك كارىمبەك ۇلى الداعى وتىرىس بارىسىندا ازيا بوكس فەدەراتسياسىنىڭ پرەزيدەنتتىگىنە ءوز كانديداتۋراسىن ۇسىندى. ول تۋرالى باسقا اقپارات بەرە المايمىن. جيىن اياقتالىپ، سايلاۋ وتكەننەن كەيىن سىزدەرگە تولىق مالىمەتتى بەرەمىن، - دەيدى بۇل تۋرالى قازاقستان بوكس فەدەراتسياسىنىڭ حاتشىسى تالعات يسەنوۆ.

بۇدان بولەك، قاراشانىڭ 13 مەن 14 ارالىعاندا وڭتۇستىك كورەيانىڭ چەدجۋ قالاسىندا وتەتىن جيىن بارىسىندا AIBA اتقارۋشى كوميتەتى APB جوباسىنىڭ جاڭا توسبەلگىسى مەن برەندينگىن ناقتىلاپ، ونى دا رەسمي تۇردە بەكىتۋ تۋرالى شەشىم شىعارادى.

ال، وتكەن اپتادا AIBA اتقارۋشى كوميتەتى سول چەدجۋ قالاسىندا باس قوسىپ، 2014-جىلعى اتقارىلعان جۇمىستارعا ەسەپ بەرىپ، 2015-جىلعى ماۋسىمعا ارنالعان كۇنتىزبەسىن بەكىتكەن. AIBA-نىڭ رەسمي سايتى تاراتقان اقپارات بويىنشا، كەلەسى جىلى بوكستان «سارى قۇرلىقتىڭ» باستى دوداسى  شىلدەدە تايلاند استاناسى بانگكوكتە وتەتىن بولىپ شەشىلگەن.

وسىدان ەكى جىل بۇرىن يوردانيا استاناسى امماندا جالاۋى جەلبىرەگەن قۇرلىق دوداسى دا شىلىڭگىر شىلدەگە تۇسپا-تۇس كەلگەن ەدى. نەگىزى، ءاۋ باستا ازيا بىرىنشىلىگى مامىر ايىنا جوسپارلانعان بولاتىن. الايدا، مامىردا جاسوسپىرىم قىزدار، بويجەتكەندەر اراسىنداعى الەم چەمپيوناتى ۇيىمداستىرىلاتىن بولعاندىقتان، بانگكوكتەگى باسەكە شىلدەگە شەگەرىلگەن.

بىلتىر يوردانيادا وتكەن ازيا چەمپيوناتى قازاق بوكسشىلارىنىڭ ايبىندى جەڭىسىمەن تاريحقا جازىلىپ قالدى. ءۇندى، قىتاي تۇبەگىنەن دە جارقىن جەڭىس كۇتەمىز. وعان ەل بوكسشىلارىنىڭ شاما-شارقى جەتەدى.

اۆتور: ۋاليحان قوسانباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى