ماڭگىلىك ەل يدەياسى بولاشاقپەن ۇشتاسىپ جاتىر - فوتو
بۇل تۋرالى باتىس قازاقستان وبلىسىنا جۇمىس ساپارىمەن كەلگەن ەلباسى جولداۋىن ءتۇسىندىرۋ جونىندەگى رەسپۋبليكالىق اقپاراتتىق- ناسيحات توبىنىڭ مۇشەسى، ق ر ىشكى ىستەر مينيسترلىگى كادر جۇمىسى دەپارتامەنتىنىڭ باستىعى، پوليتسيا پولكوۆنيگى التىنعالي ابدىعاليەۆ ءمالىم ەتتى.
باتىس قازاقستان وبلىسى ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، التىنعالي ۇسەن ۇلى كەشە الدىمەن «نۇر وتان» پارتياسى ب ق و فيليالىنىڭ ءماجىلىس زالىندا قوعام بەلسەندىلەرى، ىشكى ىستەر ورگاندارى، توتەنشە جاعدايلار، قىلمىستىق- اتقارۋ جۇيەسى دەپارتامەنتتەرى قىزمەتكەرلەرى، ۇلتتىق ۇلاننىڭ اسكەري قىزمەتشىلەرى، جوو ستۋدەنتتەرىمەن كەزدەسىپ، پرەزيدەنتتىڭ «قازاقستان جولى-2050: ءبىر ماقسات، ءبىر مۇددە، ءبىر بولاشاق» اتتى جولداۋىنىڭ نەگىزگى باعىتتارى جونىندە اڭگىمەلەپ بەردى. مەملەكەت باسشىسىنىڭ ماڭگىلىك ەل يدەياسىنا دا جان- جاقتى توقتالدى.
ەلباسى كەشەگى جاڭا جولداۋىندا دا ماڭگىلىك ەل - ەلدىڭ بىرىكتىرۋشى كۇشى، ەشقاشان تاۋسىلماس قۋات كوزى ەكەندىگىن اتاپ ءوتتى.
«وتكەن تاريحىمىزعا تاعزىم دا، بۇگىنگى باقىتىمىزعا ماقتانىش تا، گۇلدەنگەن كەلەشەككە سەنىم دە ماڭگىلىك ەل دەگەن قۇدىرەتتى ۇعىمعا سىيىپ تۇر. وتاندى ءسۇيۋ - بابالاردان ميراس بولعان ۇلى مۇرانى قادىرلەۋ. ونى كوزدىڭ قاراشىعىنداي ساقتاۋ، ءوز ۇلەسىڭدى قوسىپ، دامىتۋ جانە كەيىنگى ۇرپاققا امانات ەتىپ، تابىستاۋ دەگەن ءسوز. بارشا قازاقستاندىقتاردىڭ جۇمىسىنىڭ تۇپكى ءمانى - وسى!»، - دەدى پرەزيدەنت.
ەندەشە، ماڭگىلىك ەل يدەياسى باستى باعدار، ايقىن ماقسات رەتىندە بۇدان بىلاي دا جولداۋدى تۇسىندىرۋشىلەردىڭ اڭگىمە وزەگىنە اينالا بەرمەك.
ا. ابدىعاليەۆتىڭ جۇمىس ساپارى تەرەكتى، اقجايىق اۋداندارىندا، شالقار كولى جاعاسىنداعى وقۋ- جاتتىعۋ پوليگونىندا جالعاسۋدا.
