سەرگەي كۋلاگين: ءبىزدىڭ مىندەتىمىز - مەملەكەت باسشىسى بەرگەن تاپسىرمالاردى قىسقا مەرزىمدە ورىنداپ شىعۋ

بۇل تۋرالى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ قازاقستان حالقىنا ارناعان «نۇرلى جول» اتتى جولداۋىنان تۋىندايتىن مىندەتتەردى ىسكە اسىرۋ جونىندەگى شارالار جوسپارى قارالعان وبلىس اكتيۆىندە ايماق باسشىسى سەرگەي كۋلاگين ءمالىم ەتتى.

ونىڭ ايتۋىنشا، ەلباسى بۇل جولعى جولداۋىندا ۇكىمەت پەن اكىمدىكتەر الدىنا اۋقىمدى مىندەتتەر قويىپ وتىر.

«ءبىزدىڭ مىندەتىمىز - مەملەكەت باسشىسى بەرگەن تاپسىرمالاردى قىسقا مەرزىمدە ورىنداپ شىعۋ»، - دەدى سەرگەي كۋلاگين ءوز سوزىندە.

 وسىعان بايلانىستى ايماق باسشىسى ءتيىستى مەملەكەتتىك ورگانداردىڭ باسشىلارىنا ءبىرقاتار شۇعىل تاپسىرمالار بەردى.

«اتالعان جولداۋدى ىسكە اسىرۋ ءوڭىردىڭ، تۇتاستاي العاندا، ەلىمىزدىڭ يگىلىگى ءۇشىن ءاربىر باسشىعا جەكە جاۋاپكەرشىلىك جۇكتەيدى. جۇمىستى ساپاسىز اتقارعانداردان وتە قاتاڭ تۇردە سۇرالاتىن بولادى. ءبىز ۇيلەسىمدى جۇمىس ىستەپ، بولىنگەن قارجىنى ءتيىمدى جانە ۇنەمدى پايدالانۋىمىز كەرەك»، - دەپ اتاپ كورسەتتى ودان ءارى وبلىس اكىمى.

سونداي- اق سەرگەي كۋلاگين ەرەيمەنتاۋداعى جەل ەلەكتر ستانساسى مەن كوكشەتاۋداعى جىلۋ ەلەكتر ستانساسىنىڭ قۇرىلىسىن ىسكە اسىرۋ ماسەلەلەرىنە نازار اۋداردى. بۇعان قوسا، تۇرعىن- ءۇي كوممۋنالدىق شارۋاشىلىعى سالاسىندا جاڭعىرتۋ جۇمىستارىن جەدەلدەتۋ، شاعىن جانە ورتا بيزنەستى دامىتۋ، وڭىردە مەكتەپ جاسىنا دەيىنگى مەكەمەلەردىڭ تاپشىلىعىن جويۋ قاجەتتىگىنە دە توقتالدى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى