قىتاي قۇراماسى كوماندالىق ەسەپتە ءبىرىنشى ورىنعا شىقتى
الاتاۋ باۋرايىندا ءوتىپ جاتقان الەم بىرىنشىلىگىندە قىتاي قۇراماسىنىڭ زىلتەمىرشىلەرى 3 التىن جۇلدە الىپ ۇلگەردى. قىتاي قۇراماسىنىڭ العاشقى التىنىن 48 كەلىگە دەيىنگى سالماقتاعى يايۋن تاي الىپ بەرسە، ەكىنشى التىندى 69 كەلى سالماقتاعى ەرلەر اراسىنداعى باسەكەدە لياو حۋەي جەڭدى.
شىعىستاعى كورشىمىزدىڭ ءۇشىنشى التىنىن كەشە ايەلدەر اراسىنداعى 58 كەلى سالماققا سىنعا تۇسكەن مەنجۋن دەن الىپ بەردى. وسىلايشا، الەم بىرىنشىلىگىنىڭ العاشقى ءتورت كۇنىنىڭ قورىتىندسى بويىنشا حانزۋ ەلىنىڭ سپورتشىلارى 3 التىن جانە 2 قولا جۇلدەمەن كوماندالىق ەسەپتە ءبىرىنشى ورىنعا شىقتى.
كوماندالىق ەسەپتە ەكىنشى ورىندا ك ح د ر قۇراماسى كەلە جاتىر. بۇل ەلدىڭ ەنشىسىندە 2 التىن,1 كۇمىس جانە 1 قولا جۇلدە. ۇزدىك ۇشتىكتى قازاقستان قۇراماسى تۇيىندەپ تۇر. ءبىزدىڭ قورجىندا زۋلفيا چينشانلو الىپ بەرگەن 1 التىن جۇلدە بار.
ال ءبىر-ءبىر كۇمىس مەدالدارى بار ۆەتنام، تۇركيا، يندونەزيا، ەگيپەت قۇرامالارى ءتورتىنشى ورىندا بولسا، قورجىنىندا ءبىر قولا مەدال بار تايلاند قۇراماسى 5- ورىندا تۇر.
اۆتور: ۋاليحان قوسانباي
