قوستانايدا التى اۆتوكولىك جەر استىنا ءتۇسىپ كەتتى
«تاڭعى ساعات جەتى شاماسىندا بۇل جەرگە بىردەن بىرنەشە ماشينا ءتۇسىپ كەتتى. شۇڭقىردا بۋسيك جاتىر، ارتقى دوڭگەلەكتەرى شوشايىپ تۇر. «نيۆا»، Audi, قاسىندا «شەستەركا»، ءتىپتى، قۇبىر جوندەۋشىلەردىڭ اۆتوبۋسى دا وسى جەرگە ءتۇسىپ كەتكەن. 7 دەن 8 گە دەيىن التى ماشينا ءتۇسىپ كەتتى!» - دەيدى باعىتتى اۆتوبۋس جۇرگىزۋشىسى ۆاديم.
وتكەن اپتادا توتەنشە وقيعا بولعان كوشەدە جاڭا قۇبىرلار ورناتىلعان. اۆتوبۋس جۇرگىزۋشىسىنىڭ ايتۋىنشا، شۇڭقىر وتكەن جۇما نە سەنبى كۇنى كومىلگەن.
«ءبىز سول كەزدە مۇنىڭ جاقسىلىققا اپارمايتىنىن ايتقان ەدىك. ول كەزدە جەر قاتىپ جاتتى، قازىر ءبارى وپىرىلدى. ولار قۇم توسەگەن ەدى، تراكتور قاتقاقتىڭ ۇستىمەن سەۋىپ ءوتتى، سونىمەن ءبارى ءبىتتى. بۇل جەردەن تەك تراكتورمەن عانا جۇرۋگە بولادى، مەن اۆتوبۋسپەن جۇرۋگە قاۋىپتەندىم. جەر جىبىسە، استىنا ءتۇسىپ كەتەدى دەپ ەدىك، مىنە، مۇز ەرىپ، ءتۇسىپ كەتتى»، - دەدى ۆاديم.
وقيعا ورنىنا «قوستاناي سۋ» م ق ك جۇمىسشىلارى كەلدى. ولار قاۋىپتى ۋچاسكەنى قىزىل تاسپامەن قورشاپ قويدى، شۇڭقىرعا قۇرعاق بۇتالاردى تىعىپ كەتتى. جۇمىسشىلاردىڭ ءبىرىنىڭ ايتۋىنشا، اپات اۋدانىندا سۋىق سۋ اجىراتىلدى.
