قىزىلوردا وبلىسىنىڭ اكىمى ق. كوشەربايەۆ قورقىت بابا ەلىندەگى ەتنو اۋىلدىڭ اشىلۋىنا قاتىستى - فوتو

دەپ حابارلادى وبلىستىق اكىمدىكتىڭ باسپا ءسوز قىزمەتىنەن.

الدىمەن كەنت كىرەبەرىسىندە بوي كوتەرگەن «ماڭگىلىك ەل» مونۋمەنتىنە باردى. مونۋمەنت ەلدى مەكەننىڭ اجارىن اشىپ، كوركىنە ەرەكشە ءسان بەرىپ تۇر. نىساننىڭ قۇرىلىسىنا  43350 مىڭ تەڭگە قارجى جۇمسالىپتى. باس مەردىگەر - «ءومىرزاق» سەرىكتەستىگى. اۋدان اكىمى ءناجمادين شامۇراتوۆ وسى باعىتتا اتقارىلعان جۇمىستارمەن تانىستىردى.

 ايماق باسشىسى مازمۇندى ءىستىڭ جاس ۇرپاققا بەرەر ءتالىمى مول ەكەنىن ايتتى.

 - ۇلت كوشباسشىسى نۇرسۇلتان نازاربايەۆ كەشەگى ءوزىنىڭ تاريحي جولداۋىندا حالىق رەتىندە قالىپتاسۋىمىزدىڭ، ۇلت رەتىندە ۇيىسۋىمىزدىڭ، مەملەكەت رەتىندە نىعايۋىمىزدىڭ ماڭگىلىك ەل بەرىك يدەياسىنىڭ سوناۋ كونە تۇركى زامانىنان باستاۋ العان فيلوسوفيالىق كاتەگوريا «ماڭگىلىك» ۇعىمىمەن ءساتتى ۇشتاستىرا وتىرىپ، مەملەكەتىمىزدىڭ دامۋىنىڭ تەمىرقازىعىن بەلگىلەدى. ال بۇگىن جوسالى كەنتىن اباتتاندىرۋ ءىسى وسىنداي ۇلكەن يدەولوگيامەن ۇشتاستىرىلىپ وتىر. بۇل الاڭنىڭ حالىق رۋحىنىڭ سەرپىلىسىنە، جاستاردىڭ تاربيەسىنە ىقپالى وراسان زور دەپ ەسەپتەيمىن، - دەي كەلە، وبلىس باسشىسى قارماقشىلىقتاردى ەلدىگىمىز بەن بىرلىگىمىزدىڭ ايشىقتى نىشانى بولعان مونۋمەنتتىڭ اشىلۋىمەن قۇتتىقتادى.

مادەني شارا ءارى قاراي جاس اقىنداردىڭ «ماڭگىلىك ەل» تاقىرىبىنداعى ءمۇشايراسىنا جالعاستى. بۇدان كەيىن وبلىس اكىمى قىرىمبەك ەلەۋ ۇلى جانە ەل اعالارى كەنتتەگى ەتنو اۋىلدىڭ اشىلۋ راسىمىنە قاتىستى. مۇندا مەيماندارعا اۋداندا اتقارىلعان يگى جۇمىستارعا قۋانعان ەلدىڭ ىقىلاسىن بەينەلەيتىن شاعىن كورىنىس كورسەتىلىپ، «اجەلەر» ءانسامبلى مەن جىرشى- تەرمەشىلەر اننەن شاشۋ شاشتى. سودان سوڭ قازاقتىڭ سالت- ءداستۇرىن، ۇلتتىق ويىندارىن «سويلەتكەن»، «شىلدەحانا»، «تۇساۋكەسەر»، «قىز ۇزاتۋ»، «بەتاشار»، «باستاڭعى»، «التىباقان»، «اسىق اتۋ»، «ارقان تارتىس» جانە باسقا دا كورىنىستەر كورسەتىلدى. سونداي- اق ءجۇن ءتۇتۋ، ۇرشىق ءيىرۋ، كەستە توقۋ سەكىلدى قازاقتىڭ قولونەر جۇمىستارىمەن تانىستى. ەتنو اۋىلدا وزگە ۇلت وكىلدەرى تاعامدارىن دايىنداپ، ءان سالىپ، بي بيلەدى. ساياباقتا دومبىرا تارتقان قىزداردىڭ ءمۇسىنى دە قويىلعان. ءبىر سوزبەن ايتقاندا، كوپشىلىك ەتنواۋىلدان ناعىز قازاق اۋىلىنىڭ بەينەسى مەن بىرنەشە ۇلتتىڭ ءبىر شاڭىراق استىندا تاتۋ- ءتاتتى تىرلىگىنە كۋا بولىپ، ەرەكشە اسەرگە بولەندى.

بۇل اۋقىمدى شارالار «قارماقشى كۇنى» مەرەكەسىنە وراي ۇيىمداستىرىلىپ وتىر. وبلىس اكىمى اۋدان حالقىن قۇتتىقتاپ، جىلى لەبىزىن جەتكىزدى.

- كيەلى قورقىت بابا مەكەنى - قارماقشى جەرى جىلدان- جىلعا كوركەيىپ، ەكونوميكاسى دامىپ، شارۋاشىلىعى قانات جايعان ايماقتاعى الدىڭعى قاتارلى اۋدانداردىڭ بىرىنە اينالىپ كەلەدى. اۋدان ورتالىعى مەن ەلدى مەكەندەرىندە زامان تالابىنا ساي كوپتەگەن الەۋمەتتىك نىساندار اشىلىپ، تۇرعىنداردىڭ مادەني دەمالۋىنا، بوس ۋاقىتتارىن مازمۇندى ۇيىمداستىرىپ، جاستاردىڭ ءتۇرلى شارالار وتكىزۋىنە، قاريالاردىڭ ساليقالى اڭگىمە- دۇكەن قۇرۋىنا قىزمەت ەتۋدە. سولاردىڭ ءبىرى - كەنت كىرەبەرىسىندەگى «ماڭگىلىك ەل» مونۋمەنتى. قۇرىلىسى جۇرگىزىلە باستاعان مۇراجاي مەن كىتاپحانا، جاڭادان سالىنعان ەمحانا ەل يگىلىگىنە ارنالادى. ال رەسپۋبليكامىزدىڭ باسقا جەرلەرىندە كەزدەسپەيتىن ەتنو اۋىل كەشەنى - العاشقى مادەني نىسان. بۇل ءوزىنىڭ ەرەكشەلىگىمەن - جاس ۇرپاقتىڭ بويىندا بىرلىك پەن سالت- ءداستۇردى ناسيحاتتايتىن جۇمىستارىمەن قۇتتى بولماق، - دەدى ايماق باسشىسى.

كەلەسى كەزەكتە ايماق باسشىسى ىرگەتاسى قالانعان مۇراجاي مەن كىتاپحانانىڭ جانە 250 كەلۋشىگە ارنالعان جاڭا ەمحانانىڭ قۇرىلىسىمەن تانىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى