ەلىمىزدىڭ جاڭاشا وركەندەۋىنە جول اشاتىن بولاشاققا باعدار - ايمان مۇساقوجايەۆا
بۇل تۋرالى ەلباسىنىڭ قازاقستان حالقىنا جولداۋىنا پىكىر بىلدىرگەن قازاق ۇلتتىق ونەر ۋنيۆەرسيتەتىنىڭ رەكتورى، سكريپكاشى ايمان مۇساقوجايەۆا ايتتى.
- مەنىڭشە، پرەزيدەنت حالىققا وتە قاجەتتى جولدى نۇسقاعانداي اسەر الدىم. بۇگىنگى كۇنى بۇكىل الەم داعدارىستان ارىلماي تۇر، ونىڭ ۇستىنە گەوساياسي تۇرعىدان كۇردەلى جاعدايعا ۇرىنىپ قالدى. وسىنداي جاعدايدا ەلباسىنىڭ دۇرىس جول تاۋىپ، حالىقتى جاقسىلىققا باستاۋى وسى جول بولار دەگەن وي كەلدى، - دەدى قازاق ۇلتتىق ونەر ۋنيۆەرسيتەتىنىڭ رەكتورى، سكريپكاشى ايمان مۇساقوجايەۆا. بۇل تۋرالى «ەگەمەن قازاقستان» باسىلىمى جازعان.
جولداۋدا مەكتەپتەردى جوندەۋگە جانە جاڭالاۋعا 20 ميلليارد جولدار سالۋعا 70 ميلليارد تەڭگە بولىنەتىنى ناق وسىنداي ويلارعا جەتەلەيدى ەمەس پە؟ استانادان تارام- تارام جولداردىڭ باستالۋى - جۇرەكتەن شىققان تامىرلارىنىڭ بەينەسىندەي بولادى دەگەن وبراز دا ماعان جاقسى اسەر ەتتى. حالىق اراسىندا «جول - ءومىر» دەگەن ءسوز دە بار عوي. جانە بۇل جول شىن مانىندە بارىنە ءومىر بەرەتىن، جاقسى تۇرمىسقا جەتكىزەتىن جولدار بولماق. وعان جولداردى سالۋ بارىسىندا جاڭادان 200 مىڭداي جۇمىس ورىندارى اشىلادى دەگەن ءسوز دە دالەل ەمەس پە؟
سوندىقتان بۇل جولداۋ ءبىزدىڭ ەلىمىزدىڭ جاڭاشا وركەندەۋىنە جول اشاتىنىنا سەنىمىم زور.
