الماتىدان قىتايعا بەت العان ۇشاقتان اقاۋ شىقتى
«ەير استانا» اۋە كومپانياسىنا تيەسىلى «А320 Эйрбас» ۇشاعى الماتىدان قىتايعا بەت الۋ كەرەك بولعان. اۋەگە كوتەرىلگەن كەزدە ۇشاقتان اقاۋ شىقتى، دەپ حابارلايدى «تەنگري نيۋس. ك ز».
الدىن الا اقپاراتقا سايكەس، ۇشاقتىڭ گيدراۆليكالىق جۇيەسى ىستەن شىققان. تاعى ءبىر اقپاراتقا بايلانىستى ۇشاقتىڭ ىشىندەگى دابىل جۇيەسى ىسكە قوسىلعان. ەكيپاج اپاتتى جاعدايدا قونۋعا بەل بايلادى. ءبىراق، ۇشاقتاعى جانارمايدى تولىق جاعىپ جىبەرۋ ءۇشىن اۋە كەمەسى ءبىر ساعاتتاي اسپاندا قالىقتاپ جۇرۋگە ءماجبۇر بولدى.
وسى ۋاقىتتا ۇشاق الماتى اۋەجايىن سەگىز مارتە اينالىپ شىقتى. ال كومپانيا وكىلدەرى ورىن العان كەلەڭسىز جاعدايعا قاتىستى قانداي دا ءبىر تۇسىنىك بەرۋدەن باس تارتتى.
«استانا» ارناسى
