قاسىم قايسەنوۆ جايلى فيلم ماراپاتقا يە بولدى

 تۋىندىداعى باستى رولدى سومداعان ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ اكتەرى قۋاندىق قىستىقبايەۆ رەسەيدىڭ باس ناگرادالارىنىڭ ءبىرى - «پوچەتنىي وردەن كۋزباسسا» وردەنىمەن ماراپاتتالدى، دەپ حابارلادى قا ز ت ر ك باسپا ءسوز قىزمەتى.

 ق. قىستىقبايەۆقا ناگرادانى بۇگىن كەمەروۆ وبلىسىنىڭ گۋبەرناتورى اتىنان وبلىستىق فيلارمونيانىڭ باس ديرەكتورى ليۋدميلا پيليپچۋك قازاق تەاترىنىڭ ساحنا تورىندە تابىس ەتتى. اتالمىش ناگرادا قوعام قايراتكەرلىگىن مويىنداعان ازاماتتارعا تابىس ەتىلەدى. ونىمەن قوسا، ناگراداعا 30 مىڭ رەسەي ءرۋبلى كولەمىندە سىياقى قوسا بەرىلەدى.

«قاسىم» فيلمى - اتى اڭىزعا اينالعان بارلاۋشى، قازاقتىڭ ءبىرتۋار باتىر ۇلى قاسىم قايسەنوۆتىڭ سوعىستا كورسەتكەن ەرلىگى جايلى تۇسىرىلگەن تۋىندى.

تانىمال رەسەيلىك رەجيسسەر لەونيد بەلوزوروۆيچ پەن سەناري اۆتورى اندرەي كۋرەيچيك فيلم جەلىسىنە زاماناۋي كينەماتوگرافيا ارسەنالى - پسيحولوگيالىق قايشىلىقتار، جويقىن شايقاس پەن ليريكالىق كورىنىستەر ارقىلى ەرەكشە رەڭك بەرگەن.

 ق. قۋانىشبايەۆ تەاترىندا 16  جىلدان استام ۋاقىت قىزمەت ەتىپ كەلە جاتقان ق. قىستىقبايەۆ ساحنا تورىندە 30 عا جۋىق، كينودا ونعا جۋىق رولدى سومدادى. ق ر پرەزيدەنتى ستەپەندياسىنىڭ، استانا قالاسى اكىمىنىڭ «ەڭ ۇزدىك اكتەر» نوميناتسياسى بويىنشا گرانت يەگەرى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى