باس پروكۋرور ۇلتتىق قوردان بولىنەتىن قاراجاتتىڭ ءتيىمدى يگەرىلۋىن قامتاماسىز ەتۋدى تاپسىردى

«نۇر وتان» پارتياسىنىڭ ساياسي كەڭەسىنىڭ كەڭەيتىلگەن وتىرىسىندا ق ر پرەزيدەنتى نۇرسۇلتان نازاربايەۆ «نۇرلى جول - بولاشاققا باستار جول» اتتى حالىققا ارناعان جولداۋىن جاريا ەتتى.

بۇل باعدارلاما «قازاقستان-2050» مەملەكەتتىك ستراتەگياسىنىڭ زاڭدى جالعاسى جانە حالىقتىڭ ءال- اۋقاتىن ارتتىرۋعا، ەلىمىزدىڭ الەمدەگى ەڭ دامىعان 30 مەملەكەتتىڭ قاتارىنا ەنۋىنە ىقپال ەتەدى»، - دەدى ا. داۋىلبايەۆ ق ر باس پروكۋراتۋراسىنىڭ كەڭەيتىلگەن وتىرىسىندا.

ونىڭ اتاپ كورسەتكەنىندەي، پروكۋراتۋرا ورگاندارى ۇلتتىق قوردان بولىنەتىن قارجىنىڭ ءتيىمدى جۇمسالۋىن قاداعالاپ وتىرۋى ءتيىس.

«الەمدەگى جاڭا قيىن قىستاۋ بەلەستەرگە، ەكونوميكالىق داعدارىسقا قاراماستان، مەملەكەت باسشىسى ۇلتتىق قوردان ينفراقۇرىلىمدىق جوبالارعا قاراجات ءبولۋدى تاپسىردى. بۇل حالىقتى جۇمىسپەن قامتۋعا جانە مەملەكەتىمىزدىڭ ەكونوميكالىق دامۋىنا جاڭا سەرپىن بەرمەك. سوندىقتان پروكۋراتۋرا ورگاندارى پارتيالىق باقىلاۋلارمەن كۇش جۇمىلدىرا وتىرىپ، اتالمىش قاراجاتتاردىڭ ءتيىمدى ءارى اقىلمەن جاراتىلۋىن قامتاماسىز ەتۋى ءتيىس»، - دەدى ول.

مەملەكەت باسشىسىنىڭ مىندەتتەرىنىڭ ءساتتى ورىندالۋى ءۇشىن باس پروكۋرور ورتالىق اپپاراتقا جانە بارلىق جەرگىلىكتى جەردەگى پروكۋراتۋرا ورگاندارىنا بولىنگەلى جاتقان قارجىنىڭ زاڭدى ماقساتتارعا جۇمسالۋىن قاداعالاپ وتىرۋدى تاپسىردى.

«جەمقورلىق قاۋىپ- قاتەرلەرى ورىن الماي تۇرىپ، ونىڭ الدىن الۋىن قامتاماسىز ەتۋ قاجەت»، - دەدى ول.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى