ەلباسىنىڭ قاناتتى سوزدەرى كورەي تىلىنە اۋدارىلدى
قازاق باسپا ءسوزى بەتتەرىندە ءجيى ايتىلىپ جۇرگەن ەلباسىنىڭ سوزدەرى تۇڭعىش رەت شىعىس تىلىنە اۋدارىلىپ وتىر. اتالعان قاناتتى سوزدەر مەن ديپلومات، عالىم، بيزنەسمەن جانە زەرتتەۋشى جاستار تانىسۋدا.
شىن مانىندە، پرەزيدەنتتىڭ سوزدەرى جاي ايتىلعان ءسوز ەمەس. ول مەملەكەت جانە قوعام ءۇشىن ايتىلعان. سوندىقتان ونىمەن شەتەلدىكتەردىڭ تانىسىپ-وقۋى ءتيىس. سول ارقىلى ۇلتتار دوستىعى ارتا تۇسەدى. مادەني بايلانىستار داميدى جانە كەلەشەكتە قازاق ەلىنىڭ بۇگىنگى تاريحى مەن ەكونوميكاسىنىڭ دامۋى تۋرالى كولەمدى ەڭبەك جازاتىن زەرتتەۋشىلەر ن. نازاربايەۆتىڭ ناقىل سوزدەرىنە ءمان بەرىپ، ونى عىلىمي ەڭبەكتەرىنە ارقاۋ ەتۋى ابدەن مۇمكىن. ويتكەنى «الدىمەن - ەكونوميكا، سودان كەيىن - ساياسات» دەگەن الەمدىك دەڭگەيدەگى ساياساتكەردىڭ ويلارى بارلىق وقىرماننىڭ قىزىعۋشىلىعىن وياتادى.
ەلباسىنىڭ «ادام اتىمەن ەمەس، ىسىمەن ماڭگىلىك» دەگەن ءسوزى مەملەكەتتىڭ مۇراتىن بايقاتسا، «بيزنەس قۋاتتى بولسا، مەملەكەت تە قۋاتتى بولادى» دەگەن سوزدەر بيزنەستى جولعا قويعان كورەيلەرگە قاتتى ۇنارى انىق.
