بۇكىل قازاقستاننىڭ باتىر پوليتسەيلەرى تالدىقورعاندا جينالدى
ق ر ءى ءى م ۇيىمداستىرعان «قازىرگى زامان قاھارماندارى» اكسياسىنا قازاقستاننىڭ ءتۇرلى ايماقتارىنان كەلگەن 24 پوليتسەي قاتىستى.
مۇندا شاقىرىلعان ءار ءتارتىپ ساقشىسى اعىمداعى جىلى ق ر ىشكى ىستەر ورگاندارىنىڭ جۇرتشىلىق الدىندا مارتەبەسىن كوتەرگەن ءىس-ارەكەتتەرىمەن ەرەكشەلەندى.
وسىلايشا، بىرەۋى سۋعا باتىپ بارا جاتقان ادامدى ولىمنەن اراشالاسا، ەكىنشىسى ورتەنگەن ۇيدەن بالالاردى الىپ شىقتى، ءۇشىنشىسى بالانى كولىكتىڭ قاعىپ كەتۋىنەن امان ساقتادى، ءتورتىنشىسى قىلمىسكەردىڭ ەگدە جاستاعى ايەلگە شابۋىلىنا جول بەرمەي، ونى جالعىز ءوزى ۇستادى، بەسىنشىسى لاڭكەستىك ارەكەتكە جول بەرمەدى جانە ت. ب.
اكسيا اياسىنداعى شارالار الماتى وبلىسىندا 13- قاراشاعا دەيىن جالعاسادى. باتىر پوليتسەيلەر ايماقتىڭ ءبىرقاتار اۋداندارى مەن قالالارىنا بارىپ، مەكتەپ وقۋشىلارىمەن، ستۋدەنتتەرمەن، ارداگەرلەر جانە جۇرتشىلىقپەن كەزدەسەدى. اكسيانىڭ سوڭىندا تالدىقورعانداعى مادەنيەت سارايىندا ءبىزدىڭ زامانىمىزدىڭ ەرجۇرەك ادامدارىن ماراپاتتاۋ ءراسىمى وتكىزىلەدى.
