رەسەي تۇرعىن ءۇي ماسەلەسىن قىتاي ينۆەستورلارى ارقىلى شەشپەك
جاقىندا بەيجىڭدە وتكەن سامميتتە رف پرەزيدەنتى ۆ. پۋتين مەن ق ح ر ءتوراعاسى شي جينپين اراسىندا «ۆ ە ب» جانە ونىڭ قۇرامىنداعى «VEB Asia» كومپانياسى مەن قىتايدىڭ مەملەكەتتىك دامۋ بانكى جانە تۇرعىن ءۇي بويىنشا يپوتەكالىق نەسيە اگەنتتىگى اراسىندا مەماراندۋمعا قول قويىلعان بولاتىن.
«قول قويىلعان قۇجات ارقىلى ءبىز يپوتەكا نارىعىنا، ونىڭ ىشىندە كوممەرتسيالىق باعىتتاعى جانە الەۋمەتتىك تۇرعىن ءۇي سالۋعا قىتاي ينۆەستورلارىن تارتا الامىز. قىتايلاردىڭ قارجىلاندىرۋى ارقىلى ءبىز قولجەتىمدى، جايلى باسپانا ماسەلەسىن شەشەمىز»، - دەدى ۆ ە ب باسشىسى ۆلاديمير دميتريەۆ.
سونداي-اق، قىتاي ينۆەستورلارىنا ماسكەۋ بيلىگى دە يەك ارتىپ وتىر. ولار قىتايلىق ينۆەستورلاردى مەترو قۇرىلىسىن قارجىلاندىرۋعا شاقىرىپ وتىر. مۇنىمەن قاتار، قۇرىلىس مينيسترلىگى «رەسەي وتباسىلارىنا تۇرعىن ءۇي» باعدارلاماسىنا دا قىتاي قۇرىلىسشىلارىن تارتپاق.
