قازاقستان استىعىن قىتاي ارقىلى وڭتۇستىك-شىعىس ازياعا ەكسپورتتاماق

اۋىل شارۋاشىلىعى مينيسترلىگى اگروونەركاسىپ كەشەنىندەگى مەملەكەتتىك ينسپەكسيا كوميتەتىنىڭ مالىمەتىنشە، قازاقستان استىعىنا ءار ۋاقىتتا دا سۇرانىس بار. ءبىزدىڭ نەگىزگى نارىقتارىمىز - يران، تۇركيا، رەسەي، ازەربايجان، قىرعىزستان، وزبەكستان، تاجىكستان ەلدەرى. قازىرگى ۋاقىتتا وڭتۇستىك-شىعىس ازيا ەلدەرى مەن قىتايعا استىعىمىزدى ەكسپورتتاۋعا باعىتتالعان جۇمىستار جۇرگىزىلۋدە.

وڭتۇستىك-شىعىس ازيا ەلدەرىنە استىق ەكسپورتتاۋ ماسەلەسى بۇگىندە ءوز شەشىمىن تاپتى دەسە دە بولادى. سوڭعى 3-4  جىل بويى ءبىز قىتايعا استىق ەكسپورتى جىلدان-جىلعا ەسەلەنۋدە. بۇدان بولەك، بولاشاقتا قىتاي ارقىلى وڭتۇستىك-ازيا ەلدەرىنە، ونىڭ ىشىندە وڭتۇستىك كورەياعا شىعۋ مۇمكىندىگى قاراستىرىلۋدا.

قىركۇيەك ايىنىڭ سوڭىندا اگروونەركاسىپ كەشەنىندەگى مەملەكەتتىك ينسپەكسيا كوميتەتىنىڭ ءتوراعاسى ساقتاش قاسەنوۆ 2014-2015 ماركەتينگ جىلىندا قازاقستان 7 ميلليون توننا استىق ەكسپورتتايتىنىن ايتقان بولاتىن. ونىڭ سوزىنە قاراعاندا، قازاقستاندا حالىقتىڭ تۇتىنۋىنا جانە مال ازىعىنا 6 ميلليون توننا استىق قاجەت. «مىنە، وسىنى جانە وتكەن جىلدان قالعان بيدايدى ەسكەرسەك، كەمىندە 7 ميلليون توننا استىقتى ەكسپورتقا شىعارۋعا الەۋەتىمىز جەتكىلىكتى»، - دەدى كوميتەت ءتوراعاسى.

اتاپ ايتقاندا، ەلىمىزدەگى ءۇ ي ي د باعدارلاماسى اياسىندا اۋىل شارۋاشىلىعى تاۋارلارىن وندىرۋشىلەرگە ءتيىستى قولداۋ جاسالۋدا. وسى ورايدا ماقسات - اۋىل شارۋاشىلىعىندا ساپالى ءونىمدى ەكسپورتتاۋعا جاعداي جاساپ، ەلىمىزدىڭ ساپالى ۇنىن شەتەلدەگى تۇتىنۋشىلارىن بارىنشا ارتتىرۋ.

ىشكى نارىقتاعى استىق باعاسى كوتەرىلىپ وتىر. 2014 -جىلى 3- سۇرىپتى جۇمساق بيدايدىڭ ىشكى نارىقتاعى باعاسى تونناسىنا 42 مىڭ تەڭگەنى قۇرادى. بۇل وتكەن جىلعى باعامەن سالىستىرعاندا ءبىرشاما جوعارى.

كوميتەت باسشىسىنىڭ سوزىنە قاراعاندا، 4- سۇرىپتى بيدايدىڭ تونناسى 36 مىڭ، 5-سۇرىپتى بيداي 28 مىڭ تەڭگەنى قۇرايدى.

«وسىلايشا استىق شىعىمى مەن ساپاسىنىڭ تومەندەۋ اعىمداعى جىلى استىق باعاسىنىڭ ارتۋى ەسەبىنەن وتەلەتىن بولادى»، - دەدى س. قاسەنوۆ.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى