18:34, 10 قاراشا 2014

ەلباسىعا سىيعا تارتىلعان جادىگەرلەر - فوتو

استانا. قازاقپارات - نازاربايەۆ ورتالىعىندا ورنالاسقان تۇڭعىش پرەزيدەنت كىتاپحاناسىنان فوتورەپورتاج ۇسىنامىز. كىتاپحانا تولىق ەمەس ءۇش قاباتتان تۇرادى. مۇندا مەملەكەت باسشىسىنىڭ جەكە جيناعىنا كىرەتىن كىتاپتاردان بولەك، باعالى ءارى سيمۆوليكالىق سىيلىقتار قويىلعان، سونىمەن بىرگە ۇلت كوشباسشىسىنىڭ جەكە زاتتارى دا بار.

ومىراۋعا تاعىلاتىن ەرەكشە ۇلگىدەگى بەلگى مەن اساتاياق. بۇل زاتتار پرەزيدەنتكە قازاقستان تاۋەلسىزدىگىنىڭ 20 جىلدىعىنا وراي سىيلانعان. ولار التىننان، كۇمىس پەن باعالى زاتتاردان جاسالعان. بۇل جەردە سكيپەتر - ءتۇپ نۇسقا، ال توسبەلگى - ءدال كوشىرمە.

ۆلاديمير ءپۋتيننىڭ سىيلىعى.

نۇرسۇلتان نازاربايەۆتىڭ جەكە شاحماتى. جادىگەردى پرەزيدەنتتىڭ مەملەكەت باسقاراتىن ادامداردىڭ شاحمات ويناي الۋى كەرەكتىگى جايلى ايتىلعان دايەكسوزى تولىقتىرىپ تۇر.

سىيلىقتار اراسىندا سۋىق قارۋ دا از ەمەس. ماسەلەن، سامۋراي قىلىشى.

قانجار.

بۇل سىيلىقتاردىڭ جارتىسى وسىعان دەيىن تۇڭعىش پرەزيدەنت مۇراجايى مەن پرەزيدەنتتىڭ بۇرىنعى مادەنيەت ورتالىعىندا قويىلىپ ۇلگەرگەن.

يراننان كەلگەن سىيلىق. بۇل كۇمىس قۇمىرالار 100 جىل بۇرىن جاسالعان، ۇلكەن قۇمىرانىڭ بيىكتىگى 180 سانتيمەترگە جەتەدى.

تۇرىك جاۋىنگەرىنىڭ دۋلىعاسى. تۇركيادان كەلگەن سىيلىق.

ەۋرازيالىق ەكونوميكالىق وداق تۋرالى استانادا جاسالعان كەلىسىم-شارتتىڭ قۇرمەتىنە جاسالعان كادەسىي جيناعى. التىن جالاتىلعان ءۇش مەدالدا نازاربايەۆ، پۋتين جانە لۋكاشەنكو بەينەلەنگەن.

باقتاشى. تەمەكى كومپانياسىنىڭ سىيلىعى.

شۆەيتسار ساعاتى. سىيلاعان ادامنىڭ اتى-ءجونى بەلگىسىز.

تاسپيق. مىسىردىڭ بۇرىنعى پرەزيدەنتى ماحامماد حوسني مۇباراكتىڭ سىيلىعى.

شانحاي قىزمەتتەستىك ۇيىمى حاتشىلىعىنىڭ تاياۋدا بەرگەن سىيلىعى. ءشومىش. قول جۇمىسى. كۇمىس، التىنمەن جالاتىلعان، تابيعي تاستار.

پرەزيدەنتتىڭ باعالى زاتتاردان جاسالعان پورترەتى. سىيلاعان ادام اتى-ءجونىن ايتۋدان باس تارتتى.

تۇڭعىش پرەزيدەنت كىتاپحاناسىندا 20 مىڭ كىتاپ بار. نۇرسۇلتان نازاربايەۆتىڭ تاعى دا كىتاپتارى بار. جەكە كىتاپحاناسىنىڭ ءبىر بولىگى ونىڭ رەزيدەنتسيالارىندا ساقتاۋلى. كەلەشەكتە كىتاپحانا قورىن 40 مىڭ كىتاپقا دەيىن جەتكىزۋ جوسپارلانىپ وتىر.

كىتاپحانادا قۇراننىڭ 30 عا تارتا ءتۇرى بار. ونىڭ كوبى دارا نۇسقالاردا جاسالعان.

بۇل كىتاپتار پرەزيدەنتكە سىيلىققا بەرىلگەن.

ساۋد ارابياسى دەلەگاتسياسى سىيلاعان قۇران.

ەڭ كونە كىتاپتاردىڭ ءبىرى - ەسفير، شيىرشىق قاعاز تۇرىندە جاسالعان. ەۆرەيلەر كونگرەسى ءتوراعاسىنىڭ سىيلىعى. جادىگەردە نۇرسۇلتان نازاربايەۆتىڭ بۇل كىتاپقا 2700 جىل بولعانى جايلى جازىلعان ءسوزى بار.

نازاربايەۆتىڭ جەكە كىتاپحاناسىنىڭ كىتاپتارى. كەيبىرىن ول ءوزى ساتىپ العان، ءبىراق كوبى سىيلانعان. ولاردىڭ ىشىندەگى كەي كىتاپتاردى ول وقىعان، بەلگىلەر مەن ەستەلىك جازبالار بار.

جەكە كىتاپحانانىڭ كىتاپتارى ءدىن، تاريح، سپورت جانە باسقا بولىپ بولىنگەن.

نازاربايەۆ ورتالىعىندا ازىرشە وقۋعا رۇقسات ەتلىمگەن كىتاپتار بار. بۇل ءۇي كىتاپحاناسىنداعى كىتاپتار مەن سيرەك كىتاپتار. ولار تۇڭعىش پرەزيدەنت قورىندا ساقتالادى - نازاربايەۆ ورتالىعى عيماراتىنىڭ جوعارى قاباتتارىندا.

مەملەكەتتىك جانە ساياسي قايراتكەرلەردىڭ سىيلىقتارى. نيۋ-دەليدەگى ماحاتما گاندي مەموريالى جەتەكشىسىنىڭ سىيى.

قىرعىزستاننىڭ قازىرگى جانە بۇرىنعى پرەزيدەنتتەرىنىڭ سىيلىقتارى.

كىتاپحانانىڭ ەڭ ۇلكەن كىتابى. قازاننىڭ مىڭ جىلدىعىنا ارنالعان البوم. تاتارستاننىڭ بۇرىنعى پرەزيدەنتى مينتيمەر شايميەۆتىڭ سىيلىعى.

ۆلاديمير پۋتين سىيلاعان كىتاپتار.

پرەزيدەنتتىڭ موبيلدىك كىتاپحاناسى. بۇل قوسىمشانى قازىردىڭ وزىندە موبيلدىك قۇرىلعىعا تەگىن جۇكتەپ الۋعا بولادى. وعان نۇرسۇلتان نازاربايەۆتىڭ 28 كىتابى جۇكتەلگەن.

مەملەكەت باسشىلارىنىڭ كوبىندە مۇنداي موبيلدىك قوسىمشا جوق. بىزگە تۋرا وسىنداي موبيلدىك كوسىمشا باراك وبامادا بار ەكەنى جانە ونىڭ وزىندە ەكى-اق كىتاپ جۇكتەلگەنى ايتىلدى.

بولاشاقتا تاعى دا ءبىر موبيلدىك قوسىمشا جاساۋ جوسپارلانىپ وتىر - «نۇرسۇلتان نازاربايەۆتىڭ سۇيىكتى كىتاپتارى».

كىتاپحانادا «مۇراعات 20+» دەپ اتالاتىن قور بار. بۇل قور جەر بەتىنىڭ تۇكپىر-تۇكپىرىنەن كەلەتىن شەكسىز كوپ اقپاراتپەن جۇمىس ىستەۋگە مۇمكىندىك بەرەدى. الدا بۇل قورعا كىرۋگە بەرىلەتىن رۇقساتتىڭ ەكى ءتۇرى بولادى دەپ جوسپارلانىپ وتىر - اشىق جانە جارتىلاي جابىق. كەيبىر مۇراعات قۇجاتتارىنا رۇقسات الۋ ءۇشىن مىندەتتى تۇردە ءوتىنىش جازۋ كەرەك بولادى.

تەك تاڭداۋلى ادامدار وقىرمان بيلەتىن ءبىرىنشى بولىپ الادى. 20 ادام. ولاردىڭ ىشىندە عالىمدار، جازۋشىلار، پارلامەنت دەپۋتاتتارى بولادى.

قازاقستان پرەزيدەنتىنىڭ حالىقپەن الماسقان حاتتارى. ەلباسىعا ەڭبەكتەگەن بالادان، ەڭكەيگەن كارىگە دەيىن حات جازادى. ماسەلەن، نازاربايەۆتىڭ تاراز قالاسىندا تۇراتىن جازيرا ەسىمدى كىشكەنتاي قىزبەن الماسقان حاتى بار. سەگىزىنشى سىنىپ وقۋشىسى پرەزيدەنتكە حاتىن 2005-جىلى جازىپتى. حات جاۋاپسىز قالمادى.