قازاقستان - ورتالىق ازياداعى تۇراقتىلىقتىڭ تۇعىرى - گ ف ر س ءى م باسشىسى
«قازاقستاندى ورتالىق ازياداعى تۇراقتىلىقتىڭ تۇعىرى دەپ باعالايمىن. ءبىز ەۋروپادا وسىنداي دارەجەدە بولۋعا تىرىسۋدامىز. اتاپ ايتقاندا، قازاقستاننىڭ وسى باعىتتاعى ۇستانىمى ىنتاماقتاستىقتى دامىتۋعا ىقپال ەتەدى. ءبىز وسىنداي نەگىزدەگى قارىم-قاتىناستى دامىتۋعا جانە بىرلەسىپ جۇمىس ىستەۋگە نيەتتىمىز. قازاقستان مەن گەرمانيا كاسىپورىندارى اراسىنداعى ەكونوميكالىق قارىم-قاتىناستار وتە ماڭىزدى»، - دەدى گەرمانيالىق مينيستر.
وسى ورايدا قازاقستان گەرمانيانىڭ ورتالىق ازياداعى ەڭ ماڭىزدى ساۋدا ارىپتەسى بولىپ تابىلاتىنىن، سونىمەن قاتار ەلىمىزدە جان-جاقتى بايلانىستاردى نىعايتۋعا بارلىق جاعدايلار جاسالعاندىعىن اتاپ ءوتتى.
«قازاقستان دامىعان الدىڭعى قاتارلى ءىرى وتىزدىقتىڭ قۇرامىنا ەنۋ ماقساتىن قويىپ وتىر. سونىمەن قاتار رەسمي استانا 2017-جىلى ەكسپو حالىقارالىق كورمەنى وتكىزۋگە ازىرلىگىن جاريا ەتتى. وسى اۋقىم ماقساتتار ەلدەرىڭىزدى ءسوزسىز العا جەتەلەيتىن بولادى»، - دەدى فرانك-ۆالتەر شتاينمايەر.
اۆتور: رۋسلان عابباسوۆ
