استانا اكىمى حالىقتىڭ وتىنىشتەرى مەن شاعىمدارىن جەكە باقىلاۋىنا الماق
- مەملەكەت باسشىسى الدىمىزعا اۋقىمدى ءارى كۇردەلى مىندەتتەر قويدى. ولار ەكونوميكالىق وسىمگە، ەلوردانىڭ ينۆەستيتسيالىق كليماتىن جاقسارتۋعا سەرپىن بەرەدى. بۇل قۇرىلىس، كولىك جانە باسقا دا ماڭىزدى سالالارعا، سونىڭ ىشىندە ەنەرگيا تيىمدىلىگىن ارتتىرۋعا باعىتتالعان سالالارعا قاتىستى، - دەدى ءا. جاقسىبەكوۆ.
اتالعان ماسەلە «ەكسپو-2017» حالىقارالىق مامانداندىرىلعان كورمەسىن وتكىزۋ قارساڭىندا اسا وزەكتى. بۇگىندە استانانى ەل ورداسى، ەۋرازيانىڭ گەوگرافيالىق ورتالىعى رەتىندە عانا ەمەس، سونداي-اق «جاسىل ەكونوميكانى» دامىتۋعا بەت العان تەحنولوگيالىق، عىلىمي، «اقىلدى» قالا رەتىندە دە تانىستىرۋ كەرەك.
جاڭا مىندەتتەردى جۇزەگە اسىرۋ ءۇشىن بارلىق قالالىق قۇرىلىمدار جۇمىلىپ جۇمىس ىستەۋ كەرەك.
- سىزدەردىڭ ءارقايسىلارىڭىز استانانى دامىتۋدىڭ ورتاق، جاھاندىق ماقساتىن، تۇتاستاي جاعدايدى كورىپ، ءوزارا قالاي ارەكەت ەتۋ كەرەگىن تۇسىنۋگە تيىسسىزدەر. اپتا سايىن وتكىزىلەتىن وسىنداي جينالىستار سول ءۇشىن قاجەت، - دەدى اكىم.
قالا باسشىسى كوممۋنالدىق قىزمەتتەردىڭ جۇمىسىن جاقسارتۋ جونىندەگى ماسەلەلەرگە باسا نازار اۋداردى. بۇل ەڭ الدىمەن قار تازالاۋعا، قالانى جىلۋ مەن ەلەكتر ەنەرگياسىمەن قامتۋعا قاتىستى.
اكىم استانا اكىمدىگىنىڭ رەسمي سايتىنداعى «ۆيرتۋالدى قابىلداۋ»، «حالىقتىق باقىلاۋ» ايدارلارىنا جانە «051» قىزمەتىنە كەلىپ تۇسكەن وتىنىشتەر مەن شاعىمداردى جەكە باقىلاۋىنا الدى. قالا اكىمى ورىنباسارلارى مەن اۋدان اكىمدەرىنە ءبىرىنشى كەزەكتە ازاماتتاردان كەلىپ تۇسكەن ارىز-شاعىمداردى ءتيىستى شەشىمىن تاپقانشا نازاردا ۇستاۋدى تاپسىردى.
