ءا. يسەكەشەۆ نەمىس ينۆەستيتسياسىن قاي سالالارعا تارتۋ دۇرىس ەكەنىن ايتتى

«ءبىز گەرمانيانىڭ ءىرى بيزنەسىمەن عانا ەمەس، شاعىن جانە ورتا بيزنەسىمەن دە تىعىز بايلانىس ورناتۋدى قالايمىز. ەكى ەل اراسىنداعى تاۋار اينالىمى دا اۋىز تولتىرىپ ايتارلىقتاي. قازاقستان مەن گەرمانيا اراسىندا بىلتىر 6,5 ميلليارد ەۋروعا ساۋدا-ساتتىق جاسالدى. قازىر ەلىمىزدە 1250-دەن استام نەمىس كومپانيالارى تابىستى جۇمىس اتقارۋدا»، - دەپ اتاپ ءوتتى ول.

ءمينيستردىڭ ايتۋىنشا، قازاقستاندا يندۋستريالاندىرۋ ساياساتى جۇزەگە اسىرىلا باستاعان سوڭعى بەس جىلدا كوپتەگەن نەمىس كومپانيالارى وزدەرىنىڭ جوباسىن ەنگىزدى. ولاردىڭ اراسىندا «Simens», «Boss» جانە باسقا دا ءىرى كومپانيالار بار.

«بۇگىنگى تاڭدا ەكى ەل اراسىندا 4 ميلليارد ەۋرونى قۇرايتىن 72 ينۆەستيتسيالىق جانە ساۋدا كەلىسىمدەرىنە قول قويىلعان. ءبىز وسى باعىت بويىنشا جۇمىستاردى ودان ءارى جالعاستىرا بەرەتىن بولامىز. قازىردىڭ وزىندە وسىلاردىڭ ىشىنەن 12 جوبا ىسكە اسىرىلىپ، تاعى 15 ءى  قولدانىسقا بەرۋگە تاياپ قالدى»، - دەيدى مينيستر.

ونىڭ ايتۋىنشا، ارىپتەستىك اياسىندا اتقارىلعان جۇمىستار از ەمەس. «دەگەنمەن گەرمانيانىڭ ەكونوميكالىق، تەحنولوگيالىق، يننوۆاتسيالىق جاعىنان الەمدەگى ەڭ دامىعان ەلدەردىڭ ءبىرى ەكەنىن جانە قازاقستاننىڭ ەكونوميكالىق تۇرعىدان اسا تارتىمدى ءوڭىر ەكەنىن ەسكەرسەك، ارىپتەستىكتىڭ الەۋەتى بۇدان ارتا تۇسەتىنىنە كۇمانىمىز جوق»، - دەدى ءا. يسەكەشەۆ.

مينيستر ءسوز بارىسىندا گەرمانيالىق ينۆەستيتسيانى قاي سالاعا تارتۋ قاجەتتىگىن دە تىلگە تيەك ەتتى.

«ينۆەستيتسيانى قايدا تارتۋ كەرەك؟ بۇگىندە تەك شيكىزاتتىق سالادا عانا ەمەس، يندۋستريالىق سەكتوردا دا وتە ءتيىمدى جوبالار جاساۋعا بولادى. ماسەلەن، حيميا، ماشينا جاساۋ، تۋريزم، گەولوگيالىق زەرتتەۋلەر سياقتى سالالارعا دا ينۆەستورلار تارتۋعا ابدەن دايىنبىز»، - دەپ اتاپ ءوتتى ق ر ينۆەستيتسيالار جانە دامۋ ءمينيسترى.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى