ءۇش عارىشكەرى بار كاپسۋلا قازاقستان اۋماعىنا قوندى

وسىعان دەيىن كاپسۋلانىڭ ارقالىق قالاسىنىڭ سولتۇستىگىنەن 82 شاقىرىم جەرگە قوناتىنى حابارلانعان ەدى.

جەرگە ماكسيم سۋرايەۆ (روسكوسموس)، ريد ۋايزمان (NASA) جانە الەكساندر گەرست (ەۋروپالىق عارىش اگەنتتىگى) ورالدى. ولاردىڭ ح ع س بورتىنداعى ەكسپەديتسياسى شامامەن جارتى جىلعا سوزىلدى. عارىشكەرلەر قازىرگى ۋاقىتتا اپپاراتتان شىعارىلىپ جاتىر. قونۋ اۋماعىندا رەسەيلىك ورتالىق اسكەري وكرۋگىنىڭ ىزدەستىرۋ-قۇتقارۋ توبىنىڭ جاساعى كەزەكشىلىك اتقارىپ جاتىر.

ح ع س عارىشكەرلەرىن ىزدەۋ جانە ەۆاكۋاتسيالاۋ وپەراتسياسىندا 300 گە جۋىق اسكەري قىزمەتكەر بار. سونىمەن قاتار، ون ءتورت م ي-8 تىكۇشاعى، ەكى ا ن-26 ۇشاعى جانە التى مامانداندىرىلعان ىزدەۋ- ەۆاكۋاتسيالاۋ كولىگى قاتىستىرىلىپ جاتىر.

قونعان اپپاراتتا ح ع س ەكيپاجىمەن بىرگە دروزوفيل- شىبىننىڭ «عارىشتىق» تۇقىمى بار، ولار جوعارى ۇيىمداسقان ورگانيزمدەردىڭ دامۋىنا سالماقسىزدىقتىڭ اسەرىن زەرتتەۋ كەزىندە شىعارىلعان. عالىمداردىڭ ايتۋىنشا، بۇل زەرتتەۋلەر عىلىم ءۇشىن وتە قۇندى جانە الىستاعى عارىشتى يگەرۋگە مۇمكىندىك بەرەدى.

قازىرگى ۋاقىتتا ح ع س بورتىندا بورتينجەنەرلەر الەكساندر ساموكۋتيايەۆ، ەلەنا سەروۆا جانە بارري ۋيلمور عارىش ۆاحتاسىن اتقارۋعا قالدى. ولار ستانتسياعا 26- قىركۇيەكتە اتتانعان بولاتىن.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى