قازاقستانعا ءبىرقاتار شەتەلدىك لاۋازىمدى تۇلعالار كەلەدى

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە قىزمەت وكىلى اسەت مۇقاجانوۆ ايتتى.

"وسى اپتادا ەلىمىزگە گەرمانيا سىرتقى ىستەر ءمينيسترى فرانك ۆالتەر شتاينەر مىرزا كەلەدى. ال 12-13 - قاراشادا گرۋزيا پرەمەر-ءمينيسترى يراكلي گاريباشۆيلي ءبىزدىڭ ەلگە جۇمىس ساپارىمەن كەلەدى"، - دەپ اتاپ ءوتتى ول.

و ك ق وكىلىنىڭ ايتۋىنشا، 10-11 - قاراشادا ەلىمىزگە يتاليانىڭ ەكونوميكالىق دامۋ ۆيتسە-ءمينيسترى كارل وكلەند مىرزا باستاعان يتالياندىق بيزنەس-دەلەگاتسيا كەلەدى. ساپار اياسىندا قازاقستاندىق-يتالياندىق بيزنەس-فورۋم وتەدى.

"11-13 - قاراشا ارالىعىندا ق ر سىرتقى ىستەر ءمينيسترى ەرلان ىدىرىسوۆ رەسمي ساپارمەن بەلگياعا بارادى"، - دەپ اتاپ ءوتتى وكىل.

سونداي- اق ونىڭ مالىمەتىنشە، 11 - قاراشادا ماسكەۋدە ت م د قورعانىس مينيسترلەرى كەڭەسىنىڭ وتىرىسى وتەدى. وتىرىس اياسىندا ەلىمىزدىڭ قورعانىس ءمينيسترى يمانعالي تاسماعامبەتوۆ دوستاستىق ەلدەرىنىڭ قورعانىس مينيسترلەرىمەن ەكىجاقتى كەزدەسۋلەر وتكىزەدى.

ال 10 - قاراشادا قازاقستان مەن تۇرىكمەنستان رەسپۋبليكالارى اراسىندا تاۋار اينالىمىن اتقارۋ جانە تاۋارلىق نومەنكلاتۋرانى كەڭەيتۋ جونىندەگى جۇمىس توبىنىڭ ءبىرىنشى وتىرىسى وتەدى.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى