جارىس جولىندا وليمپيادا چەمپيونى، زىلتەمىرشى ءزۇلفيا چينشانلو

53 كەلىگە دەيىنگى سالماق ساناتىندا ونەر كورسەتەتىن قىزداردىڭ سايىسى ساعات 16 دا باستالادى. ال 69 كەلىگە دەيىنگى سالماقتاعى ەرلەر ساپىندا جاستار اراسىنداعى الەم چەمپيونى البەرت ليندەر ەل نامىسىن قورعايتىن بولادى.

بۇعان دەيىن كەشە جارىس جولىنا شىققان ارلي چونتەي التىنشى ورىنمەن عانا قاناعاتتانسا، قىزدار اراسىنان مارگاريتا ەليسەيەۆا العاشقى اينالىمنان اسا المادى.

ەسكە سالا كەتەيىك، بايراقتى باسەكەدە 72 ەلدەن 538 سپورتشى باقتارىن سىناۋدا. ونىڭ 315  ى ەرلەر بولسا، 223 سى ايەلدەر. ايەلدەر جەتى سالماق دارەجەسى بويىنشا (48, 53, 58, 63, 69, 75, +75 كەلى) سىنعا تۇسسە، ەرلەر سەگىز سالماقتا (56, 62, 69, 77, 85, 94, 105, +105) جەڭىمپازدار مەن جۇلدەگەرلەردى انىقتايتىن بولادى. قازاقستان قۇراماسى بۇل دوداعا تولىق قۇرامدا قاتىسىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى