ا ق ش پرەزيدەنتى قىتايعا كەلدى

بۇل تۋرالى اق ءۇيدىڭ باسپا ءسوز قىزمەتىنە سىلتەمە جاساي وتىرىپ ۆاشينگتونداعى ءتىلشىمىز جىگەر سارسەن حابارلادى.

ا ق ش پرەزيدەنتىنىڭ ازيا-تىنىق مۇحيتى ايماعى ەلدەرىنە ساپارى اسپان استى ەلىنەن باستالماق. بەيجىڭدە باراك وباما قىتاي ءتوراعاسى شي جينپينمەن كەزدەسىپ، ماڭىزدى ماسەلەلەر بويىنشا تالقىلاۋ جاسايدى.

سونىڭ ىشىندە اسىرەسە سولتۇستىك كورەيانىڭ يادرولىق باعدارلاماسىنا باسىمدىق بەرىلمەك. ا ق ش پرەزيدەنتى ونان سوڭ 11 - قاراشادا بەيجىڭدە وتەتىن XXII ازيا-تىنىق مۇحيتى ەكونوميكالىق ىنتىماقتاستىعىنىڭ سامميتىنە قاتىسادى.

بيىلعى باسقوسۋ «بولاشاقتى ازيا-تىنىق مۇحيتى ارىپتەستىگى ارقىلى قالىپتاستىرۋ» تاقىرىبىنا ارنالىپ وتىر. بۇدان كەيىن باراك وباما شىعىس ازيا سامميتىنە قاتىسۋ ءۇشىن بيرماعا بارادى. ال ساپاردىڭ سوڭى اۆستراليامەن اياقتالماق. «جاسىل قۇرلىقتىڭ» بريسبەن قالاسىندا 15-16 - قاراشا كۇندەرى G20 سامميتى وتەدى.

جالپى العاندا دەرجاۆا باسشىسىنىڭ ازيا-تىنىق مۇحيتى ايماعىنداعى ساپارى 8 كۇنگە سوزىلماق.
24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى