ورالدا جولاۋشىلار اۆتوبۋسى ءۇش باعانانى قۇلاتتى - فوتو

اۆتوبۋس ۇلكەن جىلدامدىقپەن كەلە جاتقان. ۆيدە ورەگيستراتور يەسىنىڭ ايتۋىنشا، «ونىڭ جىلدامدىعى شامامەن ساعاتىنا 90 شاقىرىم بولدى. شاماسى، جۇرگىزۋشى جولاۋشىلار كولىگىن جوندەپ باسقارا الماعان، ويتكەنى اۆتوبۋس جولدىڭ ەكى جاعىنا كەزەك اۋىتقىپ كەلە جاتقان. قۇرىلىس مونتاج بۇيىمدارىن جاساۋ زاۋىتىنىڭ (س م و) قاسىندا ول جىلدامدىعىن ازايتپاي، كىلت بۇرىلدى».

بۇدان باسقا، جاسىل تۇسكە وتكەن اۆتوبۋس جولدىڭ قاراما-قارسى جولاعىنا شىعىپ كەتتى. جولدى سىرعىعان كۇيى باعاناعا سوعىلىپ، وزىمەن بىرگە تاعى ەكەۋىن قۇلاتتى. بىرەۋلەرى اۆتوبۋستا 43 باعداردىڭ تاقتايشاسى بار ەكەندىگىن ايتسا، تاعى باسقالارى 12№  باعداردى كورگەنىنە سەندىرۋدە. جول-كولىك وقيعاسى كەزىندە اۆتوبۋستىڭ ىشىندە ءوزىن جۇرگىزۋشىنىڭ دوسىمىن دەپ تانىستىرعان ءبىر-اق جولاۋشى بولدى.

كۋاگەرلەردىڭ ايتۋىنشا، اۆتوبۋستان جۇرگىزۋشىنى جولشىباي كەتىپ بارا جاتقان ادامدار سىرتقا شىعارعان. ونى جەدەل جاردەم قىزمەتىنىڭ كولىگى الىپ كەتتى.

وقيعا ورنىنا اتالعان ەلەكتر بەرۋ جەلىلەرىنە جاۋاپتى «جايىق جارىعى» كاسىپورنىنىڭ بريگاداسى كەلىپ جەتتى. ساعات 23.05 تە توتەنشە جاعداي ورىن العان اۋماقتا جارىق ءسوندىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى