بايان ەسەنتايەۆا مەن دينارا ءساتجان جاڭا باعدارلاما اشتى - فوتو

ونىڭ قوناقتارى قازاقستاننىڭ بەدەلدى ساياساتكەرلەرى بولماق. بۇل جونىندە جۇرگىزۋشىلەردىڭ وزدەرى Instagram-داعى پاراقشاسى ارقىلى حابارلادى.

«جاقىندا! Skystudio! مەن ءۇشىن جاڭا فورماتتا، دينارا ساتجانمەن جۇپتاسىپ، ساياساتكەرلەرمەن جۇمىس جاسايتىن بولامىز»، - دەپ جازادى ب. ەسەنتايەۆا.

«سۇحبات - مەنىڭ سۇيىكتى فورماتىم.  قىزىقتى ادامدارمەن تىلدەسۋ - ءبىلىمىڭدى مولايتادى. باعدارلامانى بايان ەسەنتايەۆامەن بىرگە جاساۋ - كەرەمەت! قازمەدياورتالىق كاسىپقويلارىمەن قىزمەت ىستەۋ - جانعا جايلى. رەجيسسەر قارلىعاش سماعۇلوۆامەن باعدارلاما ءتۇسىرۋ - تاماشا بەينەجازبالارعا يە بولۋ دەگەن ءسوز. ءوزىم باۋىر باسقان «استانا» تەلەارناسىندا جاڭا باعدارلامامەن شىعۋ - كوپتەن كۇتكەن وقيعا. P. S. اۋا رايىنىڭ ءوزى بىزگە جاقتاسىپ تۇر، تۇمان ەكى كۇنگە سەيىلىپ، Skystudio-مەن بىرگە تۇنگى استانانى تۇسىرۋگە مۇمكىندىك الدىق. كوپ ۇزاماي ەفيردەن كورەسىزدەر»، - دەپ اتاپ ءوتتى دينارا ءساتجان.

باعدارلامانىڭ العاشقى قوناعى سەناتور ءبىرعانىم ايتىموۆا بولماق. سونىمەن قاتار كورەرمەندەر العاشقى ەفيرلەردەن قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەرلان كاريننىڭ، ق ر پارلامەنتى ءماجىلىسىنىڭ دەپۋتاتى مۇحتار تىنىكەيەۆتىڭ جانە وزگە دە اتى ەلگە تانىس ساياساتكەرلەردىڭ سۇحباتتارىن تاماشالاي الادى.

جوبانىڭ باستالۋى قاراشانىڭ ورتا تۇسىنا بەلگىلەنگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى