ۇلجان بايبوسىنوۆا: ەۋروپا قازاقتىڭ ءداستۇرلى مۋزىكاسىن جىلى قابىلدايدى
ولار ەۋروپا جۇرتشىلىعىنىڭ نازارىنا «دالانىڭ اۋەنى مەن ولەڭدەرى» كونسەرتىن ۇسىندى.
كورەرمەندەر زالى قازاقتىڭ ءداستۇرلى مۋزىكاسىنىڭ ەلىكتىرەتىن اتموسفەراسىنا ەنە الدى. مۇنداعى ساحناعا قازاق جىراۋى ۇلجان بايبوسىنوۆا، مۋزىكانتتار سەرجان شاقراتوۆ (دومبىرا)، راۋشان ورازبايەۆا (قوبىز)، ابدۋلحاميت رايىمبەرگەنوۆ (دومبىرا)، جانعالي جۇزبايەۆ (دومبىرا) جانە تالعات مۇقىشيەۆ سىندى ونەرپازدار شىقتى.
قازاقتىڭ تانىمال جىراۋى ۇلجان بايبوسىنوۆا ەۋروپالىق جۇرتشىلىقتىڭ قازاقتىڭ ءداستۇرلى مۋزىكاسىن وتە جىلى قابىلدايتىنىن اتاپ ءوتتى.
«ەۋروپالىقتار مۋزىكامىزدى جوعارى كاسىبي دەڭگەيدە قابىلدايدى، ويتكەنى ەۋروپادا كورەرمەندەر مادەنيەتى وتە جوعارى. بۇل رەتتە قازاقتىڭ ءداستۇرلى مۋزىكاسىنىڭ قۇدىرەتتىلىگى سونشالىق، بۇكىل الەم جۇرتشىلىعى ونى بەرىلە تىڭدايدى، تەرەڭ تۇسىنەدى»، - دەدى ۇ. بايبوسىنوۆا.
قازاقتىڭ ءداستۇرلى اسپاپتارىنىڭ ءۇنى تىڭدارمانداردى قازاقتىڭ بايتاق دالاسىنا اكەتىپ، قازاق حالقىنىڭ باي مادەنيەتى مەن داستۇرلەرى الەمىن اشقانداي بولدى. قازاق مۋزىكانتتارىنىڭ ونەرى بەلگيالىق ازاماتتارعا قازاقستان حالقىنىڭ باي مادەني مۇراسىمەن، جوعارى شەبەرلىگى جانە بىرەگەي شىعارماشىلىعىمەن جاقىنىراق تانىسۋ مۇمكىندىگىن بەردى.
