ءۇش ەل تەمىر جولى مەن تەڭىز كومپانيالارى ترانس كاسپي حالىقارالىق كولىك باعدارى بويىنشا باس قوستى

وتىرىسقا «ازەربايجان تەمىر جولى» ج ا ق، «گرۋزين تەمىر جولى» ا ق، «قازاقستان تەمىر جولى» ۇ ك» ا ق، باكۋ حالىقارالىق تەڭىز ساۋدا پورتى، «ازەربايجان كاسپي تەڭىز پاروحودى» ج ا ق، «باتۋمي تەڭىز پورتى» ا ا ق، «اقتاۋ حالىقارالىق تەڭىز پورتى» ۇ ك» ا ق تەمىر جول اكىمشىلىكتەرى مەن پورتتار جانە سۋ كولىكتەرى كومپانيالارىنىڭ جەتەكشىلەرى قاتىستى.

تاراپتار ترانس كاسپي حالىقارالىق كولىك مارشرۋتىنىڭ ازيا مەن ەۋروپا ارالىعىنداعى جۇك اينالىمىن دامىتۋ مەن باسەكەلەستىگىن كوتەرۋ، ترانزيتتىك مۇمكىندىگىن ارتتىرۋدىڭ جانە ىقپالداسقان لوگيستيكالىق قىزمەتكە تاريفتىك جەڭىلدىكتەر جاساۋدىڭ ماڭىزى زور ەكەندىگىن اتاپ ءوتتى.

وسىلايشا، شامامەن 2020-جىلدارى اتالعان باعداردا قازاقستاننىڭ تاسىمالداۋ كولەمى 13,5 ميلليون تونناعا جەتەدى دەپ مەجەلەنسە، ونىڭ 10,5 ميلليون تونناسىن ەكسپورتتىق تاۋارلار قۇرايدى دەگەن جوسپار بار. ال، ەۋروپا مەن ازيا اراسىنداعى ترانزيتتىك كونتەينەرلىك تاۋارلار كولەمى 1,5 ميلليون تونناعا جەتكىزىلمەك. تاراپتار نەگىزىنەن، قازاقستاننان اقتاۋ پورتى ارقىلى كاسپي تەڭىزىمەن مۇناي، مازۋت، گاز تاسىمالداۋدىڭ ماڭىزدىلىعىن اتاپ ءوتتى.

2015-جىلدىڭ ەكىنشى توقسانىندا كارس (تۇركيا) - احالكالاكي (گرۋزيا) تەمىر جول جەلىسى اشىلسا، 2015-جىلدىڭ ەكىنشى جارتىسىندا قىتايدان تۇركياعا ودان ءارى ەۋروپاعا ترانس كاسپي باعدارىمەن كونتەينەرلىك پويىزدى ۇيىمداستىرۋعا بولادى.

ءوز كەزەگىندە ۇيلەستىرۋ كوميتەتىنىڭ جۇمىسى بۇل جوبالارعا قاتىسۋشى مەملەكەتتەردىڭ اراسىندا وسى ايماقتاعى كولىكتىك-لوگيستيكالىق سالاداعى سەرىكتەستىكتى جانە ساۋدا-ەكونوميكالىق قارىم قاتىناستىڭ دامۋىنا زور سەرپىن بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى