اۋعانستاننان كەلەتىن ەسىرتكىگە قالاي توسقاۋىل قويۋعا بولادى؟
اۋعانستاننان كەلەتىن ەسىرتكىگە قالاي توسقاۋىل قويۋعا بولادى؟
ەلىمىزدىڭ پوليتسەيلەرى شىمكەنتتە وتكەن رەسپۋبليكالىق كەڭەستە وسى سۇراقتارعا جاۋاپ ىزدەدى. بيىل ەسىرتكىنى زاڭسىز تاسىمالداعان 12 قىلمىستىق توپ ۇستالعان.
سونىڭ ناتيجەسىندە پوليتسەيلەر 40 رەت ماريحۋانا مەن گەرويندى كوتەرمە ساۋدادان جويعان. بۇل وتكەن جىلمەن سالىستىرعاندان ەداۋىر كوپ دەيدى ماماندار.
مۇنداي جەتىستىككە پوليتسەيلەر تەحنيكا مەن قىزمەتتىك يتتەردىڭ كومەگىمەن جەتتىك دەپ وتىر. جيىن سوڭىندا ساقشىلار كينولوگيا ورتالىعىندا بولىپ، ارنايى ۇيرەتىلگەن يتتەردىڭ ەسىرتكى بيزنەسىمەن قالاي كۇرەسەتىنىن تاماشالادى.
سۇلتان قۇسەتوۆ، ق ر ءى ءى م ەسىرتكى بيزنەسىنە قارسى كۇرەس دەپارتامەنتىنىڭ باسشىسى: - ءبىز قىزمەتتىك-ىزدەستىرۋ يتتەرىن ءتيىمدى پايدالانىپ ءجۇرمىز. ولار ەسىرتكىنى تەك ادام قولى جەتە بەرمەيتىن جەرلەردە دە تاۋىپ الادى. ويتكەنى ەسىرتكى ساۋدالاۋشىلار ناشانى ادەتتە قۇم اراسىندا مۇقيات جاسىرىپ قويادى. الايدا ءبىزدىڭ ارنايى ۇيرەتىلگەن يتتەر مۇنداي ەسىرتكى قويمالىرىنىڭ تالايىن تاپتى. ەڭ باستىسى، ارينە، بۇل ءبىزدىڭ وسىنداي جۇمىستارىمىز ارقىلى ەسىرتكىنىڭ جاستار مەن كامەلەتكە تولماعان جاسوسپىرىمدەر اراسىنا تاراۋىنا توسقاۋىل قوياتىنىمىز دەپ سانايمىن.
24.kz
