الماتى وبلىسىندا ءىرى ەسىرتكى نۇكتەسى جويىلدى
تالعار جانە ەڭبەكشىقازاق اۋداندارىنداعى جەدەل شارالاردى ق ر ءى ءى م قىزمەتكەرلەرىمەن بىرلەسىپ و ءى ءى د ەسىرتكى بيزنەسىنە قارسى كۇرەس باسقارماسىنىڭ پوليتسەيلەرى جۇرگىزدى.
ءىس-قيمىلدار بارىسىندا ەسىرتكىنىڭ اۋىر تۇرلەرىن ساتۋدا كۇدىكتى تانىلعان ءۇش تۇلعا ۇستالدى.
ءى ءى د- ءنىڭ باسپا ءسوز قىزمەتىنەن حابارلانعانداي، قىلمىستىق ىستەر ماتەريالدارىندا كۇدىكتى ازاماتتار رەتىندە ەكى ەر ادام مەن ءبىر ايەل بار.
ەسىرتكى وتكىزگەن ەكى ەر ادامعا قاتىستى بۇعان دەيىن ەسىرتكىمەن بايلانىسى ءۇشىن قىلمىستىق ىستەر قوزعالعانى انىقتالدى جانە قازىرگى ۋاقىتتا ەكەۋى دە 6 جانە 7 گرام گەروين ساتقانى ءۇشىن ۇستالدى.
كۇدىكتى ايەل تاپ قۇقىق قورعاۋشىلار ىزدەۋ جۇرگىزگەن مەكەنجايدا قولعا ءتۇستى، بۇل ۇيدەن اسا ءىرى كولەمدەگى ەسىرتكىنىڭ اۋىر ءتۇرى بولىپ تابىلاتىن 116 گرام گەروين تاركىلەندى.
ايماق پوليتسياسى انىقتالعان فاكتىلەر بويىنشا تەرگەۋ امالدارىن باستادى. ۇستالعاندار قاماۋعا الىندى.
