عالىمدار تەرىنى قالاي ءمولدىر ەتۋ كەرەكتىگىن ويلاپ تاپتى
بۇل تۋرالى Almaty.tv ءتىلشىسى يتار-تاسس سايتىنا سىلتەمە جاساي وتىرىپ حابارلايدى.
ءبىراق، زەرتتەۋ جۇمىستارىنا قولدانىلعان تىشقاندار ءولىپ قالعان.
زەرتتەۋ جۇمىستارىن RIKEN عىلىمي-زەرتتەۋ ينستيتۋتىنىڭ عالىمدارى، توكيو ۋنيۆەرسيتەتى مەن جاپونيانىڭ عىلىم جانە تەحنولوگيا اگەنتتىگىمەن بىرلەسە وتىرىپ وتكىزگەن. زەرتتەۋدىڭ باستى ماقساتى - قانعا قىزىل ءتۇس بەرەتىن كومپلەكستى قۇرامدى تىشقانداردىڭ اعزالارىنان الىپ تاستاۋ بولعان.
تىشقانداردىڭ قانىن ارنايى سۇيىقتىقپەن الماستىرعان، ال دەنەلەرىنە گەمالاردى جوياتىن رەاگەنت سالعان.
«تىشقانداردىڭ دەنەلەرى ءمولدىر بولىپ كەتكەندىگىنە ءوزىمىز تاڭقالدىق»، - دەيدى عالىمدار. وسىنىڭ ارقاسىندا جانۋارلاردىڭ اناتومياسىن زەرتتەۋ جانە كەيبىر دەرتتەردى انىقتاۋدا قولايلى بولماق. العاشىندا بيولوگ ماماندارى ءاربىر اعزانى جەكە-جەكە زەرتتەگەن. ال ەندى اعزانى ءبىر ۋاقىتتا تولىقتاي زەرتتەۋ مۇمكىندىگى بولماق.
عالىمدار انالوگيالىق جولمەن تۇسسىزدەندىرۋ ارقىلى تاجىريبە جاسالاتىن جانۋارلاردىڭ ومىرلەرىن ساقتاپ قالۋ ادىستەرىن قاراستىرۋدا.
