الەمدەگى ەڭ ءىرى تەڭىز پورتى سينگاپۋردە ورنالاسقان- فوتو
ويتكەنى، قىزمەتكەر، جولاۋشى، تيەلگەن جۇك، ، امانات. كۇن تارتىبىندەگى وسى ماسەلەردى فورۋمدا تەڭىز سالاسىنىڭ بەلدى ماماندارى تالقىلادى.
سينگاپۋر اكىمشىلىگى جانە تەڭىز پورتى مەكەمەسىنىڭ ۇيىمداستىرۋمەن وتكەن شارادا كەمەنىڭ ناۆيگاتسيالىق جۇيەسى، ماماندار مەن ساياحاتشىلاردىڭ قاۋىپسىزدىگى ءسوز بولدى. تەڭىزدە كۇتپەگەن جاعداي ورىن السا، ونى شەشۋدىڭ جولدارى دا قاراستىرىلدى. باسقوسۋدا وسى سالادا كاسىبي قىزمەت ەتكەندەرگە ارنايى كۋالىك تاپسىرىلىپ، دىتتەگەن جەرگە ۋاقىتىلى جەتۋدە كەمەدەگى قاۋىپسىزدىك شارالارىنىڭ ساقتالۋى ماڭىزدى ەكەندىگى دە ايتىلدى.
مەملەكەت قازىناسىن ارتتىرىپ وتىرعان بۇل تەڭىز پورتى 600 گەكتار جەردى الىپ جاتىر. جىلىنا 26 ميلليوننان استام كونتەينەردى قابىلدايتىن كەمەجاي دۇنيە جۇزىندەگى 123 ەلدىڭ 600 گە جۋىق پورتتارىمەن بايلانىس جاسايدى. گەوگرافيالىق ورنالاسۋىنا بايلانىستى جەر بەتىندەگى تاۋاردىڭ 85 پايىزى وسى پورت ارقىلى وتەدى.
كەمەلەردىڭ فونىندا ۇلكەن الىپ كەمەلەرمەن باسقا ەلدەرگە جەمىس- جيدەكتەن باستاپ، كولىك، مۇناي، ءتىپتى ءسىز كورىپ وتىرعان تەلەديدار دا تاسىمالدانادى. كۇن سايىن مىڭداعان توننا تاۋار تيەلەتىن كەمەنىڭ جۇگى اۋىر نەمەسە جەڭىل ەكەندىگىن ءبىلۋ قيىن ەمەس. جۇگى كوپ بولسا، ول جاعادان الىسىراق، ال جەڭىل بولسا، جاعاعا جاقىنداۋ ورنالاسادى.
جىلدام ءارى تاۋلىك بويى جۇمىس جاسايتىن جەردە جۇكتەردى ورنالاستىرۋعا 174 كران پايدالانىلادى. جىلىنا 140 مىڭ كەمەنى قابىلدايتىن بۇل پورت ساپالى قىزمەت كورسەتۋىمەن دارالانادى. سوندىقتان ونى تاۋار تاسۋعا ارنالعان حالىقارالىق ايالداما دەپ تە اتايدى. سول ايالداما بۇگىندە بارلىق قاۋىپسىزدىك شارالارىن ساقتاپ، ەل ەكونوميكاسىنىڭ الەۋەتىن جاقسارتۋعا ىقپالىن تيگىزىپ وتىر.
«حابار» ارناسى
