اۋىر اتلەتيكانىڭ بيلەتتەرىنىڭ ءبىرى قالماي ساتىلىپ كەتتى
ءدۇبىرلى دودانىڭ باستى ەرەكشەلىگى ريو-دە-جانەيرودا ەكى جىلدان سوڭ وتەتىن جازعى وليمپيادا ويىندارىنا جولداما تارتىسقا تۇسەدى.
«اتالعان چەمپيوناتتى وتكىزۋ تەك قانا الماتى ءۇشىن عانا ەمەس، قازاقستان ءۇشىن وتە ماڭىزدى بولىپ وتىر. الماتى حالقى اۋىر اتلەتيكانى وتە جاقسى كورەتىنىنە كۋا بولدىق. ويتكەنى، بيلەتتەردىڭ ءبىرى قالماي ساتىلىپ كەتتى. ءبىز حالىقارالىق سپورت سايىستارىن جىلدا وتكىزەمىز.
باستى ماقساتىمىز - حالىقتى سپورتپەن اينالىسۋعا شاقىرۋ. مەملەكەت باسشىسى حالقىمىزدىڭ ءبىلىمدى ۇلت بولۋ ءۇشىن دەنى ساۋ، سالاۋاتتى ءومىر سالتىن ۇستاناتىن ازاماتتاردىڭ كوپ بولۋىن اتاپ وتكەن بولاتىن. مەن، قازاقستاننىڭ سپورت بويىنشا الەمنىڭ ازۋى التى قارىس دەرجاۆالارى ا ق ش، جاپونيا، قىتايمەن قاتار تۇرا الادى دەگەن ويدامىن»، - دەدى مينيستر.
ونىڭ ايتۋىنشا، اتالعان سپورتتىق شارالاردىڭ ءبىر رەتتىك ەمەس، جالپى بۇقارالىق سيپات الۋىنا باستى باسىمدىق بەرۋ كەرەك.
«بۇگىن الەم رەكوردتارىنىڭ جاڭاراتىنىنا كامىل سەنەمىن»، - دەدى ا. مۇحامەدي ۇلى.
اۆتور: گۇلميرا عوسمانالي
