قازاقستان اۋىر اتلەتيكا تاريحىن جازىپ جاتىر - تاماش ايان
«قازاقستان اۋىر اتلەتيكانىڭ تاريحىن جازىپ جاتىر. سوڭعى ءۇش كۇندە ءبىز اتقارۋ كوميتەتىمەن كەزدەسىپ، حالىقارالىق اۋىر اتلەتيكا فەدەراتسياسىنىڭ لوگوتيپىن وزگەرتۋ تۋرالى شەشىمگە كەلدىك. قازاقستاندا ەڭ العاش اۋىر اتلەتيكاعا ارنالعان فيلم كورسەتىلدى. تۋىندىنى كاسىبي شەبەرلەر جاستاردى سپورتقا تارتۋ ماقساتىمەن تۇسىرگەن.
قازاقستاننىڭ بيلىگى اتالعان سپورت تۇرىنەن دايىندىق زالدارىن سالىپ، اۋىر اتلەتيكا اكادەمياسىن اشۋدى جوسپارلاپ وتىر»، - دەدى تاماش ايان.
فەدەراتسيا باسشىسى قازاقستان سپورتشىلارىنىڭ الەمدىك سپورت ارەناسىندا ۇزدىك ناتيجە كورسەتىپ جاتقانىن اتاپ ءوتتى.
«قازاقستاندا مەن ءوزىمدى ءوز ۇيىمدە جۇرگەندەي سەزىنەمىن. مۇندا اۋىر اتلەتيكاعا ۇلكەن ءمان بەرىلەدى. لوندون وليمپياداسىندا قازاقستان قورجىنىنا تۇسكەن 4 التىن مەدال ەلدىڭ اۋىر اتلەتيكانى دامىتۋعا بار كۇشىن سالاتىنىنان حاباردار ەتەدى»، - دەدى ت. ايان.
اۆتور: گۇلميرا عوسمانالي
