قازاقستاننىڭ تاريحي قالاسى يۋنەسكو تىزىمىنە ەندى

قازىرگى الماتى وبلىسىنداعى تالعار قالاسىنىڭ ورنى ورتا عاسىردا ينفراقۇرىلىمى دامىعان قالا بولعان. بۇل ايماقتىڭ ءالى دە اشىلماعان سىرى كوپ. الاتاۋدىڭ ەتەگىندە تالحير قالاسىنىڭ بولعانىن قازبا جۇمىستارى دالەلدەيدى. تابىلعان يراننىڭ ىدىسى مەن شامشىراعى، التىن جازۋلى جاپون كەسەلەرى، قىتاي مەن وڭتۇستىك كورەيانىڭ فورفور ىدىستارى جانە ءۇندىستاننىڭ شاحمات مۇسىندەرى مىڭ جىلدىق تاريحى بار قالانىڭ ۇلى جىبەك جولىنداعى ءىرى ساۋدا ورتالىعى بولعانىن ايعاقتايدى.

ال قىشتان جاسالىنعان قۇبىرلار مۇندا سول زاماننىڭ وزىندە ينفراقۇرىلىمنىڭ دامىعانىن تانىتادى. XIII عاسىردىڭ اياعىنا دەيىن ءومىر سۇرگەن تالحير قالاسىنىڭ قولونەرشىلەرى الەمدىك سۇرانىسقا يە جوعارعى سۋتەكتى بولات ءوندىرۋدى بىلگەن. وسى 4,5 ميلليون حالىق تۇرعان قالادا تيىن دا سوعىلعان. كوشەلەردىڭ تازا بولعانىن تاسپەن قالانعان جولدارعا قاراپ بىلۋگە بولادى.

مادەني مۇرالاردى قورعاۋ، ساقتاۋ ماسەلەلەرىنە جەرگىلىكتى بيلىك پەن جوعارعى شەندىلەر بارىنشا دەن قويسا، تالعار اۋدانىنىڭ ايماعى ساق داۋىرىنەن قالعان قورعاندار مەن قۇپيالارعا تولى. 1958-جىلدان بەرى بۇل ايماقتا قارقىندى قازبا جۇمىستارىن جۇرگىزىپ جاتقان ارحەولوگتار قالانى قايتا قالپىنا كەلتىرۋ جۇمىستارىن قولعا العان. كەزىندە شىعىس پەن باتىسقا قاراپ تۇرعان تالحير قالاسىنىڭ قاقپاسى دا جاڭادان قايتا بوي كوتەرىپ كەلەدى.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى