وبامانىڭ يران ءدىن ليدەرىنە جازعان قۇپيا حاتى اشكەرە بولدى

«Wall Street Journal»- دىڭ حابارلاۋىنشا، حاتتا وباما حامانەيدى ي س ي م-گە قارسى تىزە قوسىپ، بىرىگىپ كۇرەسۋگە شاقىرىپتى. ءبىراق، حاتتا بۇل ۇسىنىلىپ وتىرعان ىنتىماقتاستىق 24- قاراشادا يادرولىق باعدارلاماعا قاتىستى حالىقارالىق «التىلىقپەن» بولاتىن كەلىسسوزگە يراننىڭ قول قويۋىنا بايلانىستى ەكەنى ايتىلعان.

اراداعى مۇنداي قۇپيا حاتتىڭ الماسۋى وسىمەن ءتورتىنشى رەت ەكەن. «Wall Street Journal» گازەتىندە جاريالانعان ماقالادا بۇل ا ق ش-تىڭ يراندى ماڭىزدى الەۋەتتى ويىنشى رەتىندە مويىندايتىنىن كورسەتەتىنى جازىلعان.

تاعى باسقا بۇقارالىق اقپارات قۇرالدارىندا وباما مەن حامانەيدىڭ جاسىرىن حات الماسۋلارىن ا ق ش-تىڭ وداقتاستارى بولعان اراب ولكەلەرى مەن ءيزرايلدىڭ شامىنا ءتيىپ كەتپەسى ءۇشىن ەكەنى جازىلعان. سەبەبى، حاتتا وباما شييتتەردى باتىستىڭ ۇعىمىنداعى «سۋننيتتەرگە» قارسى كۇرەسۋگە شاقىرىپ وتىر.

bnews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى