قازاقستان ەكونوميكاسى دامۋىنىڭ ورتاشا مەرزىمدەگى بولجامى تۇراقتى ءوسىمدى كورسەتىپ وتىر
حالىقارالىق ۆاليۋتا قورىنىڭ ساراپشىسى دجوناتان داننىڭ ايتۋىنشا، ەل ەكونوميكاسى قىسقا مەرزىمدە تۇراقتى ءوسىم كورسەتۋى ەكىتالاي. مامان ەل ەكونوميكاسىنىڭ شيكىزاتتىق بازاعا تىم تاۋەلدىلىگىن اتاپ ءوتتى.
«قازاقستاننىڭ ەكونوميكاسى 2000-جىلدارى مۇناي جانە تاۋ-كەن ءوندىرىسىنىڭ قارقىندى دامۋىمەن جوعارى ءوسىم كورسەتتى. الەمدەگى ۇزاق مەرزىمگە ساقتالعان مۇنايدىڭ جوعارى باعاسى قازاقستاننىڭ ءوز پوزيتسياسىن نىعايتىپ الۋىنا سەپتىگىن تيگىزدى. قازىر قازاقستان جان باسىنا شاققانداعى ورتاشا تابىسى 20 مىڭ ا ق ش دوللارىن قۇرايتىن تۇراقتى ەل. الايدا باعانىڭ وزگەرۋى سالدارىنان جء ى و-ءنىڭ قۇبىلمالىلىعى جانە بار. بريكس ەلدەرىمەن سالىستىرعاندا ج ءى و قۇبىلمالىلىعى قازاقستاندا جوعارى»، - دەدى دجوناتان دان.
ساراپشى وعان قارجىلىق بازانىڭ تارلىعى قاتتى ىقپال ەتەتىنىن ايتىپ ءوتتى.
«قازاقستاندا ءىرى تاۋار وندىرۋشىلەردىڭ ۇلەسى ەكسپورتتا 70 پايىزدى قۇرايدى. بۇل ەلگە قىسقا مەرزىمدە سەرپىن بەرسە دە، ەكونوميكانى سىرتقى كەلەڭسىز اسەرلەرگە ۇرىندىرادى»، - دەدى دجوناتان دان.
مامان 2014-جىلعى ج ءى و كورسەتكىشىنىڭ وتكەن ايلارعا قاراعاندا 1,3 پايىزعا تومەندەگەنىن سىرتقى جانە ىشكى سۇرانىستىڭ ازايعاندىعىمەن بايلانىستىردى.
الايدا، قازاقستان ەكونوميكاسى دامۋىنىڭ ورتاشا مەرزىمدەگى بولجامى تۇراقتى ءوسىمدى كورسەتىپ وتىر، دەدى مامان. بۇل ناقتىراق ايتقاندا، مۇناي ءوندىرىسىنىڭ جاڭا كوزدەرىن اشۋمەن، قاشاعان جوباسىنىڭ ىسكە قوسىلۋىمەن بايلانىستى.
اۆتور: گۇلميرا عوسمانالي
