بىشكەكتە ابايعا، ال استانادا ماناسقا ارنالعان ەسكەرتكىش ورناتىلادى- ەلباسى
«بىشكەكتە اباي ەسكەرتكىشىن جانە ءبىزدىڭ ەلوردامىزدا ماناسقا ارنالعان ەسكەرتكىشتى ورناتۋدىڭ ۇيىمداستىرۋشىلىق ماسەلەلەرى اياقتالۋ كەزەڭىندە تۇر. سونىمەن قاتار شوقان ءۋاليحانوۆ پەن شىڭعىس ايتماتوۆتىڭ ەسىمدەرىن تاريحتا ماڭگى ساقتاۋ باعىتىندا جۇمىستار جۇرگىزىلۋدە» ، - دەدى ەلباسى.
قازاقستان پرەزيدەنتى سوڭعى جىلدارى قىرعىزستانداعى جاعداي تۇراقتالىپ كەلە جاتقاندىعىن جانە مەملەكەت دامۋ جولىنا تۇسكەندىگىن اتاپ ءوتتى.
مۇنىمەن قوسا ن. نازاربايەۆ قازاقستان مەملەكەتى قىرعىزستاننىڭ كەدەن وداعىنا جانە ءبىرىڭعاي ەكونوميكالىق كەڭىستىككە قوسىلۋىنا دايىندىققا جان- جاقتى كومەك كورسەتەتىندىگىن جەتكىزدى.
اۆتور: رۋسلان عابباسوۆ
