ا. اتامبايەۆ قىرعىز حالقىنا قولداۋ كورسەتكەنى ءۇشىن ن. نازاربايەۆقا العىس ايتتى
«سىزبەن جولىققاندا ەكى ەلدىڭ باۋىرلاس ەل ەكەنىن ايتىپ جۇرەسىز. سىزبەن كەزدەسكەن كەزدە ءوز اعايىنىممەن جولىققانداي بولامىن. ءارقاشاندا سىي- قۇرمەتىڭىزدى كورىپ ءجۇرمىز. ءاردايىم ماعان كەڭەس، ءتالىم جانە جاردەم بەرىپ كەلەسىز. ءبىزدىڭ تاريحىمىز ءبىر، ءتىلىمىز دە ءبىر» ، - دەدى قىرعىزستان پرەزيدەنتى ا. اتامبايەۆ جيىندا.
وسى ورايدا ول قىرعىز ەلىنىڭ باسىنا تۋعان قيىن كەزەڭدەردە قازاقستان تاراپى ءارقاشان كومەك قولىن سوزىپ، جاردەم بەرىپ جۇرگەندىگىن اتاپ ءوتتى.
«نۇرسۇلتان ءابىش ۇلى، ءسىز باۋىرلاس قىرعىزستانعا قولداۋ جاساۋ كەرەكتىگى جونىندە ۇكىمەتكە ۇدايى ءتيىستى تاپسىرمالار بەرەسىز. وسى قادىرىڭىزدى ءبىز تۇسىنەمىز جانە رازىمىز. شىن كوڭىلدەن راحمەت ايتامىن»، - دەدى ا. اتامبايەۆ.
سونىمەن قاتار، ول قىرعىستان ءۇشىن كوپتەگەن پروبلەمالىق ماسەلەلەر قازاقستان پرەزيدەنتىنىڭ قولداۋىمەن شەشىلىپ جۇرگەنىن قاداپ ايتتى.
اۆتور: رۋسلان عابباسوۆ
