ارال تەڭىزىنىڭ سولتۇستىك بولىگى كوپ ۇزاماي بۇرىنعى ارناسىنا ورالادى
«ارالعا كەلەتىن بولساق، ونىڭ جەتىستىكتەرىن ەكى سوزبەن ايتىپ تاۋىسۋ قيىن. ادامزات تاريحىندا ولۋگە شاق قالعان تەڭىزدى قۇتقارىپ الۋ وقيعالارى جوق شىعار. بۇل بىزدىڭ پرەزيدەنتتىڭ ارقاسىندا مۇمكىن بولدى.
ءبىز، قىزىلوردالىقتار نۇرسۇلتان ءابىش ۇلىنا ريزاشىلىعىمىزدى بىلدىرەمىز، تاۋەلسىزدىگىمىزدىڭ قيىن كەزەڭدەرىنە قاراماستان، بىزدە جالاقى، زەينەتاقى، ستيپەنديالار بەرىلمەي جاتقان تۇستا، پرەزيدەنت دۇنيەجۇزىلىك بانكپەن كەلىسىم جاساسىپ، ارالدىڭ سولتۇستىك بولىگىن قۇتقارۋ بويىنشا جوبانى باستاپ بەرۋگە مۇمكىندىك بەردى. قازىر مىنە جوبانىڭ ەكىنشى كەزەڭى ىسكە اسۋدا. ۇكىمەت دۇنيەجۇزىلىك بانكپەن تاعى كەلىسىم جاساستى. مەنىڭ ويىمشا، جىلدىڭ سوڭىنا دەيىن جوبا ماقۇلدانۋى ءتيىس جانە ۇكىمەت ونى راتيفيكاتسيالايدى. وندا كەلەسى جىلى سولتۇستىك ارال جوباسىنىڭ ەكىنشى كەزەڭى قولعا الىنادى»، - دەدى ول.
وبلىس باسشىسىنىڭ سوزىنە قاراعاندا، ارالدىڭ سولتۇستىك بولىگى سۋعا تولىپ كەلەدى جانە جاقىندا بۇرىنعى دەڭگەيىنە جەتەدى دەپ كۇتىلۋدە.
«تەڭىز 74 شاقىرىمعا شەگىنگەن بولاتىن، جاقىندا عانا مەن ۇستىنەن ۇشىپ ءوتتىم جانە GPS بويىنشا تەڭىز ءوزىنىڭ بۇرىنعى قالپىنا جەتۋ ءۇشىن نەبارى 17 شاقىرىم عانا قالىپتى. بالقاش پەن قاپشاعاي كولدەرىنە كەتىپ قالعان ارال بالىقشىلارىنىڭ بارلىعى قايتىپ ورالدى. ارال ماڭىندا 8 بالىق وڭدەۋ زاۋىتى اشىلدى. قازىر بالىق اۋلاۋ كولەمى 6 مىڭ تونناعا جەتىپتى. بىزدە بالىقتىڭ تەك 1 ءتۇرى قالعان بولاتىن، بۇگىندە 27 بالىق ءتۇرى بار. تەڭىز سۋىنىڭ تۇزدىلىعى 21 گرام بولعان، قازىر ءبىر ليتر سۋدا 17 گرام تۇز بار. ءبىز يوردانيا مەن يزرايلدىڭ تۇيىسكەن جەرىندە ورنالاسقان ءولى تەڭىز سياقتى تەڭىزىمىزدى جويىپ الار ەدىك. كورشىلەس جاتقان مەملەكەتتەر بۇل جوباعا اتسالىسپاي كەلەدى, اقشا بولمەۋدە. ارالدىڭ شىعىسى ن ا س ا ماماندارىنىڭ ايتۋىنشا، تولىعىمەن سۋالىپ ءبىتتى.
فيلترومەليوراتسيامەن اينالىسىپ، 56 مىڭ گەكتار جەرگە سەكسەۋىل وتىرعىزدىق، قازىر ول جەردەن شاڭ كوتەرىلمەيدى. الەم قاۋىمداستىعى قازاقستان مەن ونىڭ كوشباسشىسىنىڭ تابيعاتقا قوسقان ۇلەسىن باعالاي الادى ما، ونى ۋاقىت كورسەتەدى»، - دەپ اتاپ ءوتتى ق. كوشەربايەۆ.
اۆتور: جاسۇلان جولدىبايەۆ
