ناتو باس حاتشىسى شۇعىل اۋعانستانعا باردى

كابۋلعا جاساعان ساپارىنىڭ اياسىندا ي. ستولتەنبەرگ اير پرەزيدەنتى اشراف عانيمەن، اتقارۋشى بيلىكتىڭ باسشىسى ابدوللا ابدوللامەن، سونداي-اق حالىقارالىق قاۋىپسىزدىككە جاردەمدەسۋ كۇشتەرى ميسسياسىنىڭ قولباسشىلىعىمەن كەزدەستى.

كەلىسسوزدەردىڭ قورىتىندىلارىن شىعارۋ بويىنشا وتكىزىلگەن باسپا ءسوز ءماسليحاتىندا ناتو-نىڭ باس حاتشىسى اۋعاندىق كۇشتەردىڭ اعىمداعى جىلدىڭ جەلتوقسان ايىندا سولتۇستىك- اتلانت اليانسىنىڭ اسكەري ميسسياسى اياقتالعان سوڭ ەلدە ءتارتىپ ورناتۋ قىزمەتىن وزىنە جۇكتەۋگە قابىلەتتى ەكەنىنە سەنىمىن ءبىلدىردى.

- بيىلعى جىلدىڭ سوڭىندا اۋعاندىق كۇشتەر ەلدەگى قاۋىپسىزدىككە تولىق جاۋاپتى بولادى. مەن ولاردىڭ وسىعان دايىن ەكەنىنە سەنىمدىمىن، - دەدى ي. ستولتەنبەرگ. «بۇگىن مەن سىزدەردىڭ كەيبىر اسكەري قۇرامالارىڭىزدى كوردىم، ولاردىڭ بارلىعى مەنى جاقسى اسەردە قالدىردى. سىزدەر اۋعانستاندى كۇن سايىن قورعاپ جۇرگەن وزدەرىڭىزدەگى 350 مىڭ سارباز بەن پوليتسەيلەرمەن تولىقتاي ماقتانا الاسىزدار»، - دەپ قوسىپ ءوتتى ناتو وكىلى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى