قاراعاندى وبلىسىندا مەكتەپ وقۋشىسى ءىنىسى مەن قارىنداسىن وتقا ورانعان ۇيدەن الىپ شىقتى

وقيعا 22 - قازان كۇنى پريشاحتينسك قالاسىنداعى مارشاك كوشەسىندە ورىن الدى، دەپ حابارلايدى kriminalka.kz.

بۇل كۇنى نيكيتا ۇيدە ىنىسىمەن جانە قارىنداسىمەن قالعان ەدى. پەشتىڭ كۇلىن تازالاعان بالا ونى پلاستماسسالىق شەلەككە توگىپ، ءۇيدىڭ كىرەبەرىسىنە قويعان.

قىزعان شەلەكتىڭ بالقىپ، كومىر تۇيىرلەرىنىڭ ەدەنگە توگىلۋى سالدارىنان ءورت شىقتى.

اۋەلى اۋلاعا جۇگىرىپ شىققان نيكيتا ۇيدە باۋىرلارىنىڭ قالعانىن ەسىنە الىپ، وتقا ورانعان ۇيگە قايتا كىرگەن.

«جالىنمەن ارپالىسقان 15 جاسار بالا جاتىن بولمەگە ءوتىپ، سابيلەردى كوتەرگەن كۇيى دالاعا الىپ شىقتى. ودان كەيىن كورشىلەرگە بارىپ وقيعا تۋرالى ايتىپ بەرگەن. ولار قۇتقارۋشىلاردى شاقىرتىپ، ءورتتى اۋىزدىقتاۋ ءۇشىن وزدەرى دە قولدان كەلگەن شارالاردىڭ بارلىعىن قولداندى»، - دەپ حابارلادى قاراعاندى وبلىستىق ت ج دەپارتامەنتىنىڭ باسپا ءسوز قىزمەتىنەن.
وقيعا ورنىنا جەتكەن جەدەل جاردەم بريگاداسى نيكيتانى ماقاجانوۆ اتىنداعى اۋرۋحاناعا جەتكىزدى. دارىگەرلەر جاسوسپىرىمگە ىس ءتيىپ، اياق، قولدارى مەن بەتىن 3 -دەڭگەيدە كۇيىك شالعانىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى