الماتىلىق بولۋدىڭ ازابى
الماتىعا وبلىستان - ءوزىنىڭ كولەمىنىڭ جارتىسىنداي جەر تەلىمى قوسىلعالى بەرى، دۇرلىگىپ كەتكەن ەل، قۇجاتتارىن راسىمدەۋ جۇمىستارىن جەڭىلدەتۋدى سۇراپ وتىر. وبلىستىقتان - قالالىققا اينالۋدىڭ قيىندىعى - يرينا سوۆەتجان قىزىنىڭ ماتەريالىندا.
يللياكا ماراتوۆ، الماتى قالاسىنىڭ تۇرعىنى:
ءبىر اي بولدى عوي، مىنە بالامەن جۇگىرىپ جۇرگەنىمىزگە. توعىز بولماي كەلەمىز. ءبىر كاسسادان بىرگە جىبەرەدى، ءبىر جەردەن ءبىر جەرگە جىبەرەدى، سونىمەن جۇرەمىز.
بالا- شاعاسىمەن جەرگە جاۋاپتى مەكەمەلەردىڭ ەسىگىن جاعالاپ جۇرگەندەر، قازىر ءتىپتى، وزدەرىنىڭ قاي ەسىكتەن كىرىپ، قايسىسىنان شىعىپ جۇرگەندەرىن دە ۇمىتىپ قالعان. ويتكەنى، ابىگەرى كوپ قۇجات راسىمدەۋ جۇمىسى - قاجىتىپ جىبەردى. وبلىستى قالاعا قوسقان بيلىك، اۋىل ادامىن اۋرەگە سالماي-اق، بۇل جۇمىستى جەڭىلدەتىپ بەرسە، قايتەدى، - دەپ قاپالى. ونىڭ ۇستىنە، كەزەك ماشاقاتىنىڭ دا قورلىعى ءوتتى، - دەيدى تۇرعىندار.
قۇلجاباي كىدىلبەكوۆ، الماتى قالاسىنىڭ تۇرعىنى:
كەزەك وسىلاي، بۇدان دا كوپ كەيدە. سىزدەردە وبلىستان قالاعا اۋىسىپ جاتسىزدار ما؟ - ءبىز قاراساي اۋدانىنان ناۋرىزبايعا وزدەرى اۋىستىردى عوي. بىزگە ءبارىبىر، كولحوزدا تۇرعانىمىز جاقسى ەدى. قازىر بارىنە اقشا تولە. پو يۋريد اقشا تولەمەيدى، وزدەرى دولجنى وبسلۋجيۆات.
بۇل كىسىلەر - الماتىعا وبلىستىڭ 23 مىڭ گەكتار تەلىمى قوسىلعاننان كەيىن، وبلىس اۋماعىنا تيەسىلى تەلىمدەرىن قالالىق قۇجاتقا راسىمدەپ ءجۇر. اسىرەسە، قالاداعى وسى جەر كاداسترىن جۇرگىزۋ مەكەمەسىنىڭ الدىندا كەزەگىن كۇتكەن ەل كوپ.
ويتكەنى، جىلجىمايتىن مۇلىگىن قالالىق قۇجاتقا راسىمدەپ جۇرگەندەردىڭ قۇجاتىن جەرگە جاۋاپتى مەكەمە ماماندارى - ءار اۋداندا ەمەس، وسىندا عانا قابىلدايدى. ال، بىرنەشە اۋدان تۇرعىندارىن بىرىكتىرىپ قابىلدايتىن تەرەزە مۇندا تىم از. سونىڭ سالدارىنان - ساناۋلى تەرەزەگە تەلمىرگەندەردىڭ سانى كوپ.
ونىڭ ۇستىنە، باسقا مەملەكەتتىك مەكەمەلەردەگىدەي مۇندا كەزەك ماشاقاتىن رەتتەيتىن ەلەكتروندى تاقتا دا جۇمىس ىستەمەي قالعان.
اندرەي پونومارەنكو، جەر كاداسترىن جۇرگىزۋ مەكەمەلەرىنىڭ زاڭ ءبولىمىنىڭ باستىعى:
كەزەك رەتىن كورسەتەتىن قۇرىلعى بۇزىلىپ قالدى. ونى قاراعاندىلىق ءبىر فيرما ۇتىپ الىپ، ورناتقان ەدى. ءبىراق ەلەكتروندى تاقتا ءبىر اي بولماي جاتىپ، ىستەن شىقتى. قازىر ول كومپانيامەن سوتتاسىپ جاتىرمىز.
زاڭ ءبولىمىنىڭ مامانى، مۇندا جۇمىس اۋقىمىنىڭ كۇرت كوبەيگەنىنە قاراماستان، تۇرعىنداردىڭ تالابىن قاناعاتتاندىرۋعا بارىنشا تىرىسىپ جاتىرمىز. ءبىراق قالا كولەمىنىڭ تەڭ جارتىسىنداي تەلىمنىڭ الماتىعا قوسىلۋى - قۇجاتتاندىرۋدى جىلدام جۇزەگە اسىرۋعا مۇمكىندىك بەرمەيتىنىن جاسىرمادى. ءبىراق تەلىمدەرىن زاڭداستىرۋ ۋاقىتىنا شەكتەۋ قويىلماعان، سوندىقتان ەندى ءبىراز كۇندە كەزەك كولەمى دە ازايادى دەپ وتىر.
يرينا سوۆەتجان قىزى، ءتىلشى:
ءبىز قازىر الماتى وبلىسى مەن قالاسىنىڭ شەكتەسكەن بۇرىنعى شەكاراسىندا تۇرمىز. قازىر بۇل اۋماقتىڭ ءبارى قالاعا كىرىپ كەتكەن. رەسمي مالىمەتتەر بويىنشا، 45 مىڭ گەكتار اۋماقتى الىپ جاتقان الماتىعا وبلىستان 23 مىڭ گەكتار جەر تەلىمى قوسىلدى. ياعني وسىنشاما اۋماقتاعى تۇرعىندار ءقازىر قۇجاتارىن جوندەستىرۋمەن الەك بولىپ ءجۇر دەگەن ءسوز. جەر ماماندارىنىڭ ايتۋىنشا، ولاردىڭ ون مىڭىنىڭ عانا قولىنا قۇجاتتارى ءتيىپتى. ءالى قانشاسىنىڭ، قانشا ۋاقىت قۇجات راسىمدەۋدىڭ اۋرە-سارساڭىمەن جۇگىرىپ جۇرەتىنى بەلگىسىز.
31-ارنا
