پاۆلوداردا العاش رەت بەينەبايلانىس ارقىلى سوت وتىرىسى ءوتىپ، تۇرمەدەگى ءبىر ادام بوستاندىققا شىقتى
سوت ماجىلىسىنە سوتتالۋشى تەرگەۋ يزولياتورىندا وتىرىپ، «ۆيدەوكونفەرەنسيا» جۇيەسى ارقىلى قاتىستى. بۇل ماجىلىستە سوتتالۋشىنى مەرزىمىنەن بۇرىن بوساتۋ تۋرالى ءوتىنىشى قارالعان.
سوتتالۋشى ن. - پاۆلودار قالاسىنىڭ تۇرعىنى، ول ق ر ق ك-نىڭ 179-بابى 2-بولىگى «ا» تارماعىمەن مۇلكى تاركىلەنىپ، بەس جىلعا باس بوستاندىعىنان ايىرىلعان.
قازىرگى ۋاقىتتا ول جازانىڭ جارتى مەرزىمىنەن استامىن وتەگەن. وسى مەرزىم ىشىندە سوتتالۋشىعا ەسكەرتۋ مەن جازا قولدانىلماعان. مەكەمەدەگى مادەني جانە سپورتتىق جيىندارعا بەلسەندى قاتىسقانى ءۇشىن ءۇش ماقتاۋعا يە بولىپ، اسپازشى رەتىندە قىزمەت ەتكەن.
جەڭىلدەتىلگەن تارتىپتەگى تەرگەۋ يزولياتورىنا اۋدارىلعان ونى ۇيىندە جۇبايى مەن ەكى جاس ءوسپىرىم بالاسى ونى اسىعا كۇتىپ وتىر.
مەكەمە پسيحولوگىنىڭ پىكىرىنشە، ءوتىنىش يەسى ۇلگىلى تارتىبىمەن تۇزەلگەنىن دالەلدەدى. پروكۋراتۋرا مەن تيزو وكىلدەرى سوتتالۋشىنىڭ شارتتى تۇردە بوساتىلۋىنا قارسىلىق بىلدىرگەن جوق.
سوت ازامات ن. -نىڭ ءوتىنىشىن قاناعاتتاندىرۋ تۋرالى شەشىم شىعاردى.
