كسەنيا روندو «ءتىلىم - مەنىڭ بايلىعىم» مانەرلەپ وقۋ بايقاۋىندا جەڭىمپاز اتاندى - پاۆلودار
بۇل بايقاۋ «قازاقستان رەسپۋبليكاسىنداعى تىلدەر تۋرالى» زاڭنىڭ قابىلدانۋىنا 25 جىل تولۋىنا جانە قازاقستان حالقى اسسامبلەياسىنىڭ 20 جىلدىعىنا ورايلاستىرىلىپ وتكىزىلدى. وعان اۋداندىق جانە قالالىق بايقاۋلاردىڭ جەڭىمپازدارى قاتىستى. ءبىرىنشى كەزەڭدە قاتىسۋشىلار مەملەكەتتىك تىلدە، ەكىنشى كەزەڭدە ارميان، مولداۆان، موڭعول، ورىس، تاتار، نەمىس جانە شەشەن تىلدەرىندەگى شىعارمالاردى مانەرلەپ وقىدى.
بايقاۋعا قاتىسۋشىلاردىڭ ونەرىن باعالاعان قازىلار القاسى ولاردىڭ وقۋ مانەرىن، ارتىستىگىن، ساحنالىق مادەنيەتىن ەسەپكە الدى.
قازىلار القاسى سونداي-اق بايقاۋدا ەكىنشى ورىن العان ەكىباستۇزدىق ادەلينا وۆچارەنكونىڭ مانەرلەپ وقۋ ونەرىن ەرەكشە اتاپ ءوتتى. ال پاۆلودار قالاسىنىڭ وقۋشىسى مايا يۆانوۆا ءۇشىنشى ورىندى ەنشىلەدى.
تاعى ءبىر ايتا كەتەر جايت، قاتىسۋشىلاردىڭ ولەڭدەردى مەملەكەتتىك تىلدە وقۋى دا ەرەكشە اسەر قالدىردى. شىعارماشىلىق سايىستىڭ قورىتىندىلارى بويىنشا وعان قاتىسقاندار ديپلومدارمەن، العىسحاتتارمەن جانە باعالى سىيلىقتارمەن ماراپاتتالدى.
