الداعى كۇندەرى ەلىمىزدە كۇن جاڭبىرلى، قارلى ءارى جەلدى، سۋىق بولادى

سينوپتيكتەر كۇننىڭ سۋىتاتىنىن بولجادى. ولاردىڭ مالىمەتىنشە، ەلدىڭ وڭتۇستىگىندە عانا كۇن ءبىرشاما جىلى بولادى. "جاۋىن-شاشىن، جاڭبىر، قار، كوكتايعاق، تۇمان جانە باتىس پەن سولتۇستىكتىڭ كۇشتى جەلى تەك قانا سولتۇستىك وبلىستاردا عانا ەمەس، رەسپۋبليكانىڭ وڭتۇستىگى مەن وڭتۇستىك- شىعىسىندا دا بولادى"، - دەپ حابارلادى "قازگيدرومەت" ماماندارى.

ال رەسەيدىڭ ەۋروپالىق اۋماعىنىڭ سولتۇستىك-باتىسىنان جىلجىپ كەلە جاتقان سۋىق جانە قۋاتتى انتيتسيكلونمەن بىرگە تۇنگى تەمپەراتۋرا 3 گرادۋس ايازدان 13 گرادۋس ايازعا دەيىن تومەندەيدى. وڭتۇستىك وبلىستاردا جانە شىعىستا كۇندىز 5-15 گرادۋس جىلى، ال 8 قاراشادا كۇندىز دە، تۇندە دە اۋا تەمپەراتۋراسى 2-6 گرادۋس اياز ارالىعىندا بولادى.

مەتەورولوگتەردىڭ مالىمەتىنشە، قاراشانىڭ سوڭعى ونكۇندىگىندە قىسقى اۋا رايى قالىپتاسادى. بۇعان دەيىن ماماندار الداعى قىس جىلداعىدان ىزعارلىراق بولادى دەپ حابارلادى. "الدىن الا بولجام بويىنشا، الداعى قىس اۋمالى-توكپەلى بولادى، سۋىق كۇندەر قالىڭ قار مەن جاۋىن-شاشىنعا وزگەرىپ وتىرادى. 2013-2014 - جىلدارداعى قىسقا قاراعاندا الداعى قىس سالىستىرمالى تۇردە سۋىعىراق بولادى"، - دەپ حابارلاعان بولاتىن ماماندار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى