قازاقتىڭ اتاقتى دجاز انشىسىنە قارجىلاي كومەك قاجەت

قاتەرلى ىسىك اۋرۋىنا شالدىققان وتانداسىمىزعا وڭتۇستىك كورەيادا كۇردەلى وتا جاسالدى.

ەندى ەلىمىزدىڭ ونەر مايتالماندارى ءانشىنىڭ ەمىنە قاجەت قاراجاتتى جيناۋ ءۇشىن قايىرىمدىلىق شارالارىن ۇيىمداستىرۋدا.

ونەرگە عانا ەمەس، ومىرگە قۇشتار جاننا ساتتاروۆاعا قازان ايىنىڭ اياعاندا توق ىشەكتىڭ قاتەرلى ىسىگى دەگەن دياگنوز قويىلدى. انشىگە سەۋل اۋرۋحاناسىندا وتا جاسالعان. دارىگەرلەردىڭ ايتۋىنشا، ءۇش جارىم ساعاتقا سوزىلعان وتا ءساتتى اياقتالىپتى.

ەندى ونى الدا ۇزاق تا اۋىر حيميالىق ەم كۇتىپ تۇر. بۇعان دەيىن الەمدىك دەڭگەيدەگى حيت-اندەردى ورىنداپ جۇرگەن جاننانى قولداۋ ماقساتىندا ارىپتەستەرى دە قاراپ قالماق ەمەس. ەرتەڭ الماتى بارلارىنىڭ بىرىندە ساتتاروۆاعا ارنالعان قايىرىمدىلىق كەش وتپەك.

ال 11- قاراشادا جامبىل اتىنداعى قازاق مەملەكەتتىك فيلارمونياسىندا ونەر جۇلدىزدارىنىڭ قاتىسۋىمەن جاننا ساتتاروۆانى قولداۋعا ارنالعان قايىرىمدىلىق كونسەرتى بولادى. قازىر وتباسى قارجىلاي كومەككە ءزارۋ. وتانداسىمىزدىڭ جاعدايىنا بەي-جاي قارامايىق دەيدى ونەرپازدار.

گاۋھار ساتتاروۆا، ج. ساتتاروۆانىڭ ءسىڭلىسى:

- ءبىز جاننانىڭ قاتارعا قوسىلىپ كەتۋى ءۇشىن كومەك سۇرايمىز. وتا جاساۋعا ونەردەگى ارىپتەستەرى مەن دوستارى جاردەمدەستى. ەندى حيميالىق ەمدەۋگە كوپ قاراجات قاجەت. قايىرىمدى جاندار كومەك قولىن سوزادى دەگەن ۇمىتتەمىز.

«KTK»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى