الماتىدا قارا ءناسىلدى ستۋدەنتتەر «قاراجورعا» بيلەدى - كەسكىن
فلەش-موبتىڭ اۆتورى - دانيەل دانلادي ت. جۇرگەنوۆ اكادەمياسىنىڭ ستۋدەنتى. قازاق ونەرىنە قۇمارتقانىمەن قويماي، قازاق تىلىنە دە سۋداي اعىپ تۇر.
وتاندىق تەلەارنالاردىڭ بىرىندە قازاقتىڭ ۇلتتىق ونەرى تۋرالى كورسەتىلگەن باعدارلاما جاستاردىڭ ۇلكەن قىزىعۋشىلىعىن تۋدىرعان. ونى كورگەن سوڭ افريكاندىق جاستار «افروجورعا» توبىن قۇرىپ، قازاق بيلەرىن بيلەۋگە ىنتا تانىتقان. بۇل توپ قازاقتىڭ تويلارى مەن ءتۇرلى مادەني شارالارعا بەلسەنە قاتىسىپ ءجۇر.
«قازىر باتىستىڭ ءتۇرلى ءبي ۇلگىلەرى سانگە اينالىپ كەتتى عوي. دەگەنمەن، ءوزىمىزدىڭ ءتول مادەنيەتىمىزگە جەتپەيدى. ءبىزدىڭ توبىمىزدىڭ مۇشەلەرىنىڭ ءبارى افريكاندىقتار. سول ارقىلى ءبىز قازاق حالقىنىڭ ۇلتتىق ونەرىنىڭ سۇلۋلىعىن كورسەتكىمىز كەلەدى»، - دەدى د. دانلادي.
«افرو-جورعا» توبىندا بەس افريكاندىق ونەر كورسەتەدى. ولاردىڭ ەكەۋى - گانالىق، ەكەۋى - مالي مەن نيگەريادان كەلگەن. توپ جەتەكشىسى دانيەل الماتىدا تۋىپ-وسكەن.
جاستار الماتىنىڭ ج و و-لارىندا، اتاپ ايتقاندا، كمەبي، سپورت جانە تۋريزم اكادەمياسىندا وقيدى.
